Marko 7:22 - Tonga Bible 1986

²² viŵinu, mauheni, fuvyu, ulakalaka, jiso liheni, mautusi, jani, uzereza,

Marko 7:22 Referans Kwoze

Mateyu 20:15

Asi kuyiyamu ine kuchita cho ndikhumba pa vyaku ndamweni? Pamwenga vinu uchita sanji chifukwa nde wamampha ine?’

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

1 Petro 2:15

Pakuti khumbo laku Chiuta ndaviyo, kuti pakuchita umampha musunamiske ujira wa ŵanthu ŵakupusa.

2 ŴaKorinte 10:5

chifukwa tibwanganduwa zimphindanu ndi chiguŵisku chose chakujitumphuska kumikana ndi mziŵiru waku Chiuta, ndikuto ghanaghano lose kuligumizgiya mu umkoli waku mvwiyu waku Kristu,

Mateyu 6:23

kweni asani jiso lako lingaŵa liheni, liŵavu lako lose liŵenge lamdima. Viyo asani ukweru wamwako ndi mdima, iku mdima wo ngukuru mbwenu!

Wakutaula 7:25

Ndingung'anamuka mtima wangu kuziŵa ndi kusanda ndi kupenja zeru kuti ndisaniye unandi wa vinthu ndi kuziŵa uheni wa ŵazereza ndi kupusa ko nkhufuntha.

Nthanthi 28:22

Munthu wakunweka chuma watinthimikiya usambasi; ndipo kuti waziŵa cha kuti ukavu ukamuziyanga.

Nthanthi 27:22

Umudini mubereŵeza mu dule ndi musu pamoza ndi kurgha kwakupulika, ubereŵeza wake kuti ukamutayanga cha.

Nthanthi 24:9

Kupangika kubereŵeza ndi mphulupulu ndipo wakunyoza mbukazuzi ku ŵanthu.

Nthanthi 23:6

Reka kurgha kurgha kwa munthu mukavu, ungakhumbilanga vya kunona vyake cha;

Nthanthi 22:15

Ubereŵeza ukumangika mu mtima wa mwana, kweni ndodo yakuchenjezga yitindidikiskiya kutali ndi iyo.

Nthanthi 12:23

Munthu wakuphwere wabisa chinjeru chake, kweni ŵakupusa ŵamemeza kupusa kwawo.

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

Marangu 28:56

Munthukazi wakoloŵa ndi wamasango mukati mwinu, yo kuti watesa kukanda pasi rundi lake cha chifukwa ngwakoloŵa ndi ngwa masango, wakanoranga murumi wake wapa mtima wake, mwana wake munthurumi ndi mwana wake munthukazi,

Marangu 28:54

Munthurumi yo ngwakurombotoka ndi wakupapika wakuropwa mwaku imwe, wakanoranga kurgha mbali wake, ndi muwoli wake wapa mtima wake ndi mwana wake yo wamujaliyako.

Marangu 15:9

Chenjini vinu mungaŵa ghanoghono lakuyeya mu mtima yinu ndipo mungati, ‘Chirimika cha chinkhonde ndi chiŵi, chirimika cha chigowoke che pafupi,’ ndipo jiso linu liŵenge liheni kumikana ndi mbali winu mukavu, ndipo mutumupaska kanthu cha, wakamuliriyaninga ku Ambuya, ndipo ulakwi uŵenge kwaku imwe.

Sumu 119:36

Mtima wangu urazge ku visimisimi vinu, kwakuruska kukwanduwa usambasi.

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Marko 7:21

Chifukwa kutuwa mukati, mu mtima wa munthu, ghatuwa marunguruku ghaheni, mauyaya, maunkhungu, zimbanda, maureŵi,

Marko 7:23

viheni vyose ivi, vituwa mukati, ndipo vikazuzga munthu.”