Marko 7:21 - Tonga Bible 1986

²¹ Chifukwa kutuwa mukati, mu mtima wa munthu, ghatuwa marunguruku ghaheni, mauyaya, maunkhungu, zimbanda, maureŵi,

Marko 7:21 Referans Kwoze

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Mateyu 15:19

Chifukwa mu mtima mutuliya maghanaghanu ghaheni, zimbanda, maureŵi, mauyaya, maunkhungu, visimisimi vitesi, matuka.

Machitidu gha Ŵakutumika 8:22

Viyo nyongokako ku uheni wako uwu, ndi uŵeyere Chiuta, alinga kuti vinu lingagowokereka khumbiro lo la mtima wako.

Ezekiele 38:10

“Viyo atiti Ambuya Chiuta: Pa zuŵa liya maghanghaano ghakazanga mu mtima wako, ndipo ukarungurukanga chiŵembu chiheni.

Mateyu 9:4

Ndipo Yesu, wakuziŵa maghanaghanu ghawo, wanguti, “Chifukwa chine mupimiya viheni mu mitima yinu?

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Yakobe 2:4

asi mwagaukana mwaku mwaŵeni, ndipo mwaŵa ŵeruzgi ŵa marunguruku ghaheni?

Nthanthi 4:23

Sunga mtima wako ndi kulereska kose, pakuti kwaku gho kupopoma tumisinje twa umoyo.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Sumu 53:3

Wose ŵawere kuvuli; wose ŵakazuzgikiya pamoza; kulivi nanga njumoza wakuchita umampha, ndithu, nanga njumoza kulivi.

Sumu 14:3

Wose ŵapatuka ŵavundiya wose pamoza; kulivi wakuchita umampha, kulivi nanga njumoza.

ŴaRoma 7:8

kweni ulakwi, pakutendeke mu langulu, ungutataliya mwangu likhumbira lose: chifukwa pade pa chilangulu ulakwi ngwakufwa.

Machitidu gha Ŵakutumika 5:4

Cheche chindasaskike, asi chenga chako? Ndipo chati chasaskika, asi chenga mu mtufu wako? Na, waŵikiya uli kachitidu yaka mu mtima wako? Kuti wapusika ŵanthu cha, kweni Chiuta iyo.”

Nthanthi 15:25

Ambuya ŵaparuliya pasi nyumba ya wakujikuzga, kweni ŵasunga maliri gha choko.

Sumu 14:1

Wakupusa watiti mu mtima wake, “Kulivi Chiuta.” Makuvunda, ŵachita vya ukazuzi, kulivi wakuchita umampha.

Jobu 25:4

Munthu wangaziŵa uli kuŵa murunji pa maso paku Chiuta? Wangaziŵa uli yo ngwakupapika ndi munthukazi kuŵa wakuphotoka?

Jobu 14:4

Ndiyani wangato chinthu chakutowa mukati mu chinthu chakufipa? Palivi nanga njumoza.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

ŴaRoma 7:5

Chifukwa penipo tajanga kwakuyana ndi kaŵiro ka unthu widu, makhumbiro gha maulakwi, gho ghanguziya mu chilangulu cho, ghachitiyanga mu viŵaru vidu, kwachipasiya vipasi ku nyifwa.

Sumu 53:1

Muzereza watiti mu mtima wake, “Kulivi Chiuta.” Mbakuvunda, ŵachita ukazuzi; kulivi nanga njumoza wakuchita umampha.

Tito 3:3

Chifukwa kali nafwe so taŵanga ŵakupusa ŵamtafu ŵakurandizgika ŵakuteŵeta maulakalaka ndi malikondwa ghamtundumtundu, ŵakujariya mu nkhaza ndi bina, ŵakutinkhika, ŵakutinkhana,

Sumu 119:36

Mtima wangu urazge ku visimisimi vinu, kwakuruska kukwanduwa usambasi.

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

Yeremiya 16:12

Ndipo chifukwa imwe mwananga kwakuruska auskemwe, pakuti ehe, mose mwandondoloska khumbu linu linonono liheni, mukana kutegherezga kwangu.

Marko 7:20

Ndipo wanguti, “Cho chituwa mu munthu ndicho chikazuzga munthu.

Marko 7:22

viŵinu, mauheni, fuvyu, ulakalaka, jiso liheni, mautusi, jani, uzereza,

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;