Marko 6:20 - Tonga Bible 1986

²⁰ chifukwa Herode wamopanga Yohane, pakumziŵa kuti wenga munthu murunji ndi wakupaturika, wamsungirizganga waka. Ndipo wachimuvwa wazizikikanga ukongwa; kweni wamuvwanga kwakukondwere.

Marko 6:20 Referans Kwoze

Mateyu 21:26

Kweni asani tititi, ‘Kutuwa ku ŵanthu’; titopa mzinda wo; chifukwa wose ŵe nayo Yohane nge ndi mchimi.”

Mateyu 14:5

Ndipo pakukhumba kumubaya, wangopa mzinda wo, pakuti ŵangumpimiya nge ndi mchimi.

Yohane 5:35

Yuwa wenga lumbuni lakukole ndi lakuŵala; ndipo imwe mungukhumba kusangaruskika kwa kanyengo mu ukweru wake.

Marko 11:18

Ndipo ŵazukuru ŵara ndi ŵalembi ŵanguvwa, ndipo ŵapenjanga mo ŵamnangiyenge: chifukwa ŵamopanga, pakuti mzinda wose wazizwanga pa chisambizgu chake.

Marko 4:16

Ndipo kwakukozgana yagha ndigho ghakumijika pa malo gha jarawe, ŵeniwo, po ŵaghavwa mazu, ruŵi ndi chimwemwe ŵati gharonde;

Danyele 5:17

Viyo Danyele wangwamuka paurongo pa karonga, wanguti, “Vyawanangwa vinu vyaku mwaŵeni; mphoto yo mupaski munyake; kweni ndimuŵerengiyenge karonga lembo lo ndi kumuziŵiska kang'anamuridu kake.

Danyele 4:27

Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

Danyele 4:18

Ili ndilo loto ine karonga Nebukadanezara ndingulota. Ndipo iwe Belteshazara, undinene kang'anamuridu kake; pakuti ŵanthu wose ŵa vinjeru ŵamu ufumu wangu ŵatondeka kundinene kang'anamuridu kake. Kweni iwe uziŵa, chifukwa mzimu wa ŵachiuta ŵatuŵa we mwaku iwe.”

Ezekiele 33:32

Ndipo, awona, ine kwaku iwo ulingana ndi munthu yo watumba sumu za chanju ndimazu ghakunozga ukongwa ndipo watumba umampha pa bangwi, chifukwa watuvwa cho ukamba, kweni kuti wakachichitanga cha.

2 Mikoka 26:5

Wangupenja Chiuta mu mazuŵa ghaku Zekariya yo wangumsambizga kopa Chiuta; ndipo nyengo yose yo wangupenje Ambuya, Chiuta wangumutumbika.

2 Mikoka 24:2

Ndipo Yoashi wanguchita kwakurunjika pa maso gha Ambuya mu mazuŵa ghose ghaku Yehoyada mzukuru.

2 ŴaKaronga 13:14

Sono Elisha wanguti watama ndi urwali wakumutole ku nyifwa, Yoashi karonga waku Yisraele wanguruta kwaku iyo, ndipo wanguliya paurongo pake, wakuti “Ada! Magareta ghaku Yisraele ndi ŵapakavalo ŵake!”

2 ŴaKaronga 6:21

Penipo karonga wa ŵaYisraele wanguŵawona, wanguti kwaku Elisha, “Ada, kumbi ndiŵabaye? Kumbi ndiŵabaye?”

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

Chituwa 11:3

Ndipo Ambuya anguchita wezi ku ŵanthu pa maso gha ŵaEgipiti. Ndipo so, Mosese wenga wakuzirwa ukongwa mu charu cha Egipiti, pa maso gha ŵaŵanda ŵaku Farao ndi pa maso gha ŵanthu.

Machitidu gha Ŵakutumika 2:12

Ndipo wose ŵarwitanga ndipo ŵazizwanga ŵakunenerana, “Nchine chenichi?”

Machitidu gha Ŵakutumika 5:24

Ndipo penipo nduna ya kasopi ndi ŵazukuru ŵara ŵanguvwa mazu gho, ŵazizikikanga paku gho, kuti chingaŵa chine chenichi.