Marko 5:37 - Tonga Bible 1986

³⁷ Ndipo kuti wanguzomerezga yumoza kurongozgana nayo cha, kweni Petro, Yakobe, ndi Yohane mhurwa waku Yakobe.

Marko 5:37 Referans Kwoze

Machitidu gha Ŵakutumika 9:40

Kweni Petro, wati waŵatuzgiya wose kubwaro, wangugwada pasi, ndi wanguromba; ndipo pakung'anamukiya ku thupi lo, wanguti, “Tabita, yuka!” Ndipo iyo wangubanuwa maso ghake; ndipo wachiwona Petro, wanguja songa.

Marko 14:33

Ndipo wato pamoza nayo Petro, Yakobe ndi Yohane, ndipo wangwanda kusuzgika ukongwa, ndi kukoŵeke limu.

2 ŴaKorinte 13:1

Aka nkhachitatu nthuza kwinu. Pa mlomo wa ŵakaboni ŵaŵi pamwenga ŵatatu nkhani yose yikakhozgekanga.

Marko 9:2

Ndipo pavuli pa mazuŵa ghankhonde ndi limoza Yesu wangupatuwapo Petro, Yakobe ndi Yohane, ndipo wanguŵatole paku ŵija mu ghiri litali; ndipo wangusanduka paurongo pawo.

Luka 8:51

Ndipo wachiza ku nyumba, kuti wanguzomerezga yumoza kusere pamoza nayo cha, kweni Petro ndi Yohane, ndi Yakobe, ndi wiske wa mwana yo ndi nyina.

Mateyu 17:1

Ndipo pavuli pa mazuŵa ghankhonde ndi limoza Yesu wanguto Petro, Yakobe, ndi Yohane, muhurwa wake, wangukwera nawo mu phiri litali ku ubende.

Mateyu 26:37

Ndipo wakutole pamoza nayo Petro ndi ŵana ŵaŵi ŵaku Zebediya, wangwamba kukoreka lisungu ndi kusuzgika ukongwa.