Marko 4:40 - Tonga Bible 1986

⁴⁰ Sono wanguŵanene, “Chifukwa chine mwe ŵamantha? Ndasono mundaŵe ndi chivwanu?”

Marko 4:40 Referans Kwoze

Luka 8:25

ndipo wanguti kwaku wo, “Che pani chivwanu chinu?” Ndipo ŵangopa ndi kurwita, ŵakunenerana, “Njani munthu uyu walanguliya mphepu ndi maji, ndi vitumviya?”

Mateyu 8:26

Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru.

Mateyu 14:31

Kweni sosonukweni Yesu, wakutambaruwa janja lake, wangumuko, ndipo watiti kwaku iyo, “Wa chivwanu chimana we, chifukwa chine ukangang'a.”

Mateyu 16:8

Kweni Yesu, pakuziŵa, wanguti, “Mwaŵachivwanu chimana, chifukwa chine murongoro mwaku mwija, kuti mulive kupinga chiŵande?

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Mateyu 6:30

Kweni asani Chiuta wavwarika viyo uteka wamudondo, wo le ulipo, ndi mawa upong'eka ku chipa, asi ukongwa kwakuruska wamvwarika imwe, mwaŵachivwanu chimana?

Yesaya 42:3

dete lakusweka kuti wakafyonga cha, ndi chisunda chakukole kazimuzimu kuti wakazimwanga cha; mwaku gomekezgeka wakarongonga cheruzgu chirunji.

Marko 4:41

Ndipo ŵangopa ndi chopu chikuru, viyo ŵanenerananga, “Njani mwenuyu na, pakuti chingana ndi mphepu ndi nyanja yitumvwiya?”