Marko 4:35 - Tonga Bible 1986

³⁵ Ndipo pa zuŵa liya kwati kwaŵa mazuro, watiti kwaku wo, “Tambukiye kusirgha.”

Marko 4:35 Referans Kwoze

Mateyu 8:18

Kweni Yesu wachiwona mizinda yikuru kumzunguliya, wangulangula kwambukiya kusirgha.

Luka 8:25

ndipo wanguti kwaku wo, “Che pani chivwanu chinu?” Ndipo ŵangopa ndi kurwita, ŵakunenerana, “Njani munthu uyu walanguliya mphepu ndi maji, ndi vitumviya?”

Luka 8:22

Ndipo kunguŵa pa limoza la mazuŵa gho, wanguseremu mu chombo, mweneko ndi ŵasambizi ŵake; ndipo wanguŵanene, “Tambukiye ku sirgha linyake la nyanja;” ndipo ŵangusoro.

Mateyu 14:22

Ndipo pavuli wanguŵachichizga ŵasambizi kusere mungaraŵa, ndi kumudanjiriya kusirgha po iyo waneniyanga mizinda yo kuti yirutenge.

Marko 8:13

Ndipo wanguŵaleka, wangukwera so mu ngaraŵa, wanguruta kusirgha linyake.

Yohane 6:25

Ndipo pakumsaniya ku sirgha linyake la nyanja, ŵangumfumba, “Msambizgi mwaza kunu zuŵanji?”

Yohane 6:17

ŵangusere mu ngaraŵa, ndipo ŵambukiyanga ku Kapernaumu. Ndipo kwafipa kali, ndipo Yesu wengawandaze kwaku wo.

Yohane 6:1

Pavuli paku vyenivi Yesu wanguruta kusirgha ku nyanja ya Galile, yo ndi nyanja ya Tiberia.

Marko 6:45

Ndipo sosonukweni wanguŵachiska ŵasambizi ŵake kusere mu ngaraŵa, ndi kumdanjiriya kusirgha ku Betesaida, iyo wachiwezga mzinda wo.

Marko 5:21

Wati wambukiya Yesu kusirgha so mu ngaraŵa, mzinda ukuru unguwunjikana kwaku iyo; ndipo wenga mu mphepete mu nyanja.