Marko 4:11 - Tonga Bible 1986

¹¹ Ndipo waŵaneniyanga, “Kwaku imwe kupaskika mangari gho gha ufumu waku Chiuta: kweni kwaku ŵa ŵakubwaro vinthu vyose vituŵaŵiya mu zintharika:

Marko 4:11 Referans Kwoze

Mateyu 11:25

Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu.

Luka 8:10

Ndipo iyo wanguti, “Kwaku imwe kwapaskika muziŵa mangari gha ufumu waku Chiuta: kweni ku ŵanyake uneneka mu zintharika, alinga kuti pakulereska ŵangawona cha, ndi pakuvwa ŵangaŵamo cha.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 ŴaTesalonika 4:12

alinga kuti mwendenge kwakukongora kuchiri ku ŵakubwaro, ndi kuti mungakavuka kanthu cha.

ŴaKolose 4:5

Mwendenge mu zeru kuchiri ku ŵakubwaro, fiskani kwakulingana ndi mwaŵi wo ulipo.

1 Timote 3:7

Ndipo so watenere kuŵa ndi mbiri yeneko kwaku wo mbakubwaro; vinu wangawiya mu kawereri ndi chikhwiriki cha diabolo.

ŴaEfeso 1:9

pakuti watiziŵiska ungari wa khumbu lake, uli ndi likondwa lake, lenilo wanguteme limu mwaku iyo, kuti,

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Mateyu 16:17

Ndipo Yesu wanguti, “Wakutumbikika ndiwe, Simoni mwana waku Yona, pakuti vinjeru vya munthu kuti vingukuvumbuliya ichi cha kweni Ada wakuchanya.

Mateyu 13:16

“Kweni ngakutumbikika maso ghinu, pakuti ghalereska; ndi makutu ghinu, pakuti ghapulikizga.

1 ŴaKorinte 4:7

Chifukwa njani yo wawona kupambana kwinu? Ndipo we ndi chine iwe cho ulive kuronde? Kweni asani ukuchita kuronde, utumbwiyanji na nge kuti nchawanangwa cha?

Marko 3:23

Ndipo pakuŵandana wawaneniyanga mu zintharika, “Ngwanthazi uli Satana kumtuzga Satana?

Marko 4:2

Ndipo waŵasambizganga vinandi mu zintharika, ndipo waŵaneneyanga mu chisambizgu chake,

Marko 4:10

Ndipo penipo wangujideke, ŵakumzunguliya, pamoza ndi chumi ndi ŵaŵi wo ŵangumfumba vyapa ntharika yo.