Marko 2:26 - Tonga Bible 1986

²⁶ mo wanguserere mu nyumba yaku Chiuta, po Abiatara wenga mzukuru mura, ndipo wangurgha viŵande vyakujarika, vyenivyo kuti kunguyiyamu kurgha cha, kweni ku ŵazukuru pe, ndipo so wangupaska kwaku wo ŵapamoza nayo?”

Marko 2:26 Referans Kwoze

2 Samuele 8:17

Zadoki mwana waku Ahitubu ndi Ahimeleke mwana waku Abiatara ŵenga ŵazukuru; Seraya wenga mlembi mura;

1 Mikoka 24:6

Ndipo Shemai mlembi, mwana waku Netanale wamu ŵaLevi wanguŵalemba paurongo pa karonga ndi ŵana ŵa karonga, ndi Zadoki mzukuru, ndi Ahimeleki, mwana waku Abiyatari, ndi ŵara ŵa nyumba za auskeu, ŵazukuru ndi ŵaLevi; nyumba yumoza ya auskeu yingutondoleke Eleazara ndi yinyake Itamara.

1 Samuele 21:1

Ndipo Davidi wanguza ku Nobo kwaku Ahimeleke mzukuru; Ahimeleke wanguza ndi chitenthe kukumana ndi Davidi, wanguti kwaku iyo, “Chifukwa nchine wewija, wambura munthu munyake?”

1 ŴaKaronga 4:4

Benaya mwana waku Yehoyada wenga wakutufuliya liŵanja lankhondo; Zadoki ndi Abiyatara ŵenga ŵazukuru;

1 ŴaKaronga 2:22

Karonga Solomoni wangwamuka anyina, “Chifukwa chine mupempha Abishagi muShunami kupemphe Adoniya? Mupemphiyeni so ndi ufumu; chifukwa ndi mukuwangu, ndipo kuchiri kwake kwe Abiatara mzukuru ndi Yoabu mwana waku Zeruya.”

1 ŴaKaronga 1:7

Wangukambirana ndi Yoabu mwana waku Zeruya ndi Abiatara mzukuru; ndipo ŵangurondo Adoniya ndi ŵangumovya.

2 Samuele 20:25

Shava wenga mlembi mura, Zadoki ndi Abiatara ŵenga ŵazukuru.

2 Samuele 15:35

Kumbi asi Zadoki ndi Abiatara ŵazukuru we nawo kwenikuwa? Viyo chose cho ungachivwa ku nyumba ya karonga, ŵakambiye Zadoki ndi Abiatara ŵazukuru.

2 Samuele 15:29

Viyo Zadoki ndi Abiatara ŵangupinga Bokosi la phanganu laku Chiuta ku were nalo ku Yerusalemu; ndipo ŵangujaririya kwenikuwa.

2 Samuele 15:24

Ndipo Abiatara wengapo, ehe, Zadoki nayo so wengapo, pamoza ndi ŵaLevi ŵakupinga Bokosi la phanganu laku Chiuta; ndipo ŵangujarika pasi Bokosi laku Chiuta, mpaka po khamu lose lingujumphapo kutuwa mu muzi.

1 Samuele 23:9

Davidi wanguziŵa kuti Sauli wakhumba kumuchitiya uheni; wangunena ndi Abiatara mzukuru, “Tore kuno efodo.”

1 Samuele 23:6

Ndipo Abiatara mwana waku Ahimeleke wachithaŵiya kwaku Davidi ku Keila, wanguza wakupinga efodo mu janja lake.

Mateyu 12:4

mo wanguserere mu nyumba yaku Chiuta, ndi kurgha viŵandi vyakujarikika, vyenivyo kuti kungwenere iyo cha kurgha, chingana mbeniwo ŵenga nayo, kweni ŵazukuru pe ŵija?

Marko 2:25

Ndipo wanguti kwaku wo, “Asi mwaŵerenga kale cho wanguchita Davidi, po wangukavuka ndi wanguvwa nja, iyo ndi wo ŵapamoza nayo,