Marko 2:17 - Tonga Bible 1986

¹⁷ Ndipo wachivwa Yesu wanguŵanene, “Wo ŵe umampha kuti ŵapenja ng'anga cha, kweni ŵarwali ndiwo; kuti ndinguza kwazidana ŵarunji cha, kweni ŵakulakwa.”

Marko 2:17 Referans Kwoze

Luka 15:7

Ndikuneniyani, kuti viyo ndimo kuŵiyenge chimwemwe kuchanya pa mlakwe yumoza waking'anamuka, kwakuruska pa ŵarunji machumi ghankhonde ndi ghanayi pachanya ŵankhonde ndi ŵanayi, ŵeniwo ŵalivi msowu wa chipe.

Luka 19:10

Chifukwa Mwana wa munthu wakuziya kwachipenja ndi kwachitaska chakutayika cho.”

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yohane 9:40

Wamu ŵaFarisi wo ŵanguŵanayo pamoza ŵati ŵavwa yagha ŵangumufumba, “Kumbi ifwe nafwe te ŵachiburumutiya?”

Luka 15:10

Viyo ndimo, ndikuneniyani, kutuŵa chimwemwe pa maso gha ŵangelo ŵaku Chiuta pa mlakwi yumoza wakung'anamuka.”

Luka 15:29

Kweni iyo wangwamuka, wangunene awiske, ‘Awonani, virimika vinandi vyo ndateŵete imwe, ndipo kuti ndajumphapo dangu linu cha: ndipo kwaku ine kuti mungupaska kamberere cha, alalinga kuti ndikondwere pamoza ndi ŵabwezi ŵangu.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Machitidu gha Ŵakutumika 20:21

wakusimikizgiya ŵaYuda ndi so ŵaGriki ching'anamuka kwaku Chiuta, ndi chivwanu kuchiri ku Ambuyafwe Yesu Kristu.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Yohane 9:34

Wangumwamuka, “Iwe ungupapika mu vilakwa kosekose, ndipo kumbi usambizga ifwe?” Ndipo ŵangumdikiya kubwaro.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?