Marko 16:14 - Tonga Bible 1986

¹⁴ Ndipo pavuli penipo wanguŵawoneke chumi ndi yumoza ŵija, ŵachija pa kurgha; ndipo wanguchenya uwura-chivwanu wawo ndi unononu wa mtima, pakuti ŵengavi kuvwana ndi ŵeniwo ŵangumuwona wati wayuka.

Marko 16:14 Referans Kwoze

1 ŴaKorinte 15:5

ndi kuti wanguwoneka kwaku Kefa; pavuli pake ku chumi ndi ŵaŵi wo.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

Mateyu 11:20

Sono wangwanda kuchenya mizi mwenimo vyanthazi vyake vinandi vinguchitika, chifukwa kuti yingung'anamuka cha.

Luka 24:25

Ndipo iyo wanguti kwaku wo, “Mwaŵazira kuwamo ndi ŵachizita mu mtima, kuvwaniya mwaku vyose vyenivyo ŵangurongoro ŵamchimi wo!

Marko 7:18

Ndipo watiti kwaku wo, “Kumbi namwe so mwe ŵambura kuwamo? Asi muteska kuti chose chakubwaro chakusere mu munthu chirive nthazi kumkazuzga;

Mateyu 17:20

Iyo wanguŵanene, “Chifukwa cha chivwanu chinu chimana: chifukwa ndikuneneskiyani, asani mwenacho chivwanu nge ndi nje ya kamganje muneniyenge phiri ili, ‘Nyamuka panu kawi kuwa,’ linyamukenge; ndipo kanthu kose kuti katondekenge kwaku imwe cha. [

Maŵerengedu 14:11

Ndipo Ambuya anguti kwaku Mosese, “Mpaka zuŵanji ŵanthu yaŵa ŵakandikalariskanga? Ndipo mpaka zuŵanji ŵakauranga kundigomezga, chingana ndachita visimikizgu vinandi mukati mwawo?

Mateyu 28:17

Ndipo ŵachimuwona, ŵangumlambiya: kweni ŵanyake ŵangukangang'a.

Luka 24:11

Ndipo makani yagha ghanguoneka pa maso pawo nge nkhawanawana; ndipo kuti ŵavwananga nawo cha.

Yohane 20:25

Viyo ŵasambizi ŵanyake wangumnene, “Taŵawona Ambuya!” Kweni iyo wanguŵanene, “Kwambura kuti ndawona mu manja ghake mabamba gha mizumali yo, ndi kuweskamo munwi wangu mo mizumali yingukhomeka, ndi kuŵika janja langu mu liŵaghara lake, kuti nkhavwananga cha.”

Yohane 20:26

Ndipo pavuli pa mazuŵa ghankhonde ndi ghatatu ŵasambizi ŵake ŵenga mwenimo so, ndi Tomase pamoza nawo. Wanguza Yesu vyati vyajarika visasa vyo, ndipo wanguma mukati mwawo, wanguti, “Chimangu chikuŵiyani.”

Yohane 21:1

Pavuli paku vyo Yesu wangujirongo so ku ŵasambizi pa nyanja ya Tiberia; wangujirongo viyo.

Yohane 21:14

Iyi ndi nyengo yachitatu sono yo yesu wangujirongo kuŵasambizi wati wayuka ku ŵakufwa.

Machitidu gha Ŵakutumika 1:3

Kwaku wo wangujirongo so wamoyo pavuli pa kukomwa kwake, mu visimikizgu vinandi, wakuŵawoneke mu mazuŵa machumi ghanayi, ndi wakukamba vyapa ufumu waku Chiuta.