Marko 15:5 - Tonga Bible 1986

⁵ Kweni Yesu kuti wangwamukapo so kanthu cha; viyo kuti wanguzizwa Pilato.

Marko 15:5 Referans Kwoze

Yesaya 53:7

Wangusuzgika, ndi wangusunjizgika, kweni kuti wangubanuwa mlomo wake cha; nge ndi mberere yakurongozgeke kukubayika, ndi uli ndi mberere yo yili cheti paurongo pa ŵakuyisanga, viyo kuti wangubanuwa mlomo wake cha.

Zekariya 3:8

Yivwa sono, iwe Yoswa mzukuru mura, iwe ndi ŵanyako wo ŵaja pasi panthazi pako, chifukwa mbanthu ŵa marumbu; ndizenge nayo mteŵeti wangu, ndiyo Mphanda.

1 ŴaKorinte 4:9

Chifukwa ndighanaghana kuti Chiuta warongo ifwe taŵakutumika ŵapavuli limu, nge mbanthu ŵakukomboleke ku nyifwa: pakuti taŵa chakuwoniyapo ku charu, ndi ku ŵangelo, ndi ku ŵanthu.

Mateyu 27:14

Ndipo kuti wangwamuka cha, chingana nkhu mazu ghamoza, viyo kuti nduna yo yinguzizwa ukongwa.

Sumu 71:7

Umoyo wangu waŵa wakuziziswa ku ŵanandi, kweni imwe mwaŵa chivekeru changu chanthazi.

Yohane 19:9

ndipo wangusere so mu mphara, wanena ndi Yesu, “Iwe we wa nunkhu?” Kweni Yesu kuti wangumwamuka kanthu cha.

Yesaya 8:18

Ehe, ine ndi ŵana ŵeniwo Ambuya akundipaska te visimikizgu ndi vyakuwoniyapo mu Yisraele kutuliya ku Ambuya ŵa maŵanja, wo ŵaja pa phiri Zioni.

Mateyu 27:12

Ndipo wachisumulika ndi ŵazukuru ŵara ndi ŵara, kuti wangwamuka kanthu cha.

Marko 15:4

Ndipo Pilato wangumfumba so, wakuti, “Asi utamuka kanthu? Awona, ndi vinandi vyo ŵakusumuliya.”

Luka 23:9

Ndipo wangumfumba kwa nyengo yitali kweni iyo kuti wangumwamuka kanthu cha.