Marko 14:70 - Tonga Bible 1986

⁷⁰ Kweni iyo wangukana so. Jepu kamanavi wakumapo wangunena so ndi Petro, “Kwakuneneska iwe we waku wo; chifukwa ndiwe muGalile.”

Marko 14:70 Referans Kwoze

Machitidu gha Ŵakutumika 2:7

Ndipo ŵarwitanga wose ndipo ŵazizwanga, ŵakuti, “Awonani, asi wose yaŵa wo ŵarongoro mbaGalile?

Marko 14:68

Kweni wangukana iyo, wakuti, “Kuti ndiziŵa, chingana nkhuwamu cha, cho ukamba.” Ndipo wangutuliya ku khonde;

Ŵeruzgi 12:6

ŵanguti kwaku iyo, “Sono kamba kuti Shibolete”, iyo wanguti, “Sibolete”, pakuti watondekanga kulizumbuwa kwakurunjika mbweno ŵamukonga ndi kumbaya pa vipali vya Yordane. Ndipo penipa ŵangufwiyapo nyengo yiya ŵaEfraimu vikwi machumi ghanayi ndi viŵi (42,000).

Marko 14:69

ndipo msungwana wangumuwona, ndi wangwamba so kuŵanene ŵakumapo, “Mwenuyu njumoza wa mwaku wo.”

Marko 14:71

Kweni wangwamba iyo kutemba ndi kurapa, “Kuti ndimziŵa cha munthu uyu, yo ukamba.”