Marko 14:37 - Tonga Bible 1986

³⁷ Ndipo wachiza, wanguŵasaniya ŵara tulo, ndipo watiti kwaku Petro, “Simoni, ura kumbi? Asi wenga ndi nthazi kwa chicherezga ora limoza?

Marko 14:37 Referans Kwoze

Mateyu 26:40

Ndipo wanguza ku ŵasambizi, wanguŵasaniya ŵara tulo, ndipo watiti kwaku Petro, “Kwari? Kuti munguziŵa cha kucherezga pamoza nane ora limoza?

ŴaHebere 12:3

Viyo na mpimeni mweniyo wakunthiyapo chikana chaviyo cha ŵalakwi paku yija, alinga mungavuka cha, ndi kufwa chipoyu mu mizimu yinu.

Mateyu 25:5

Kweni wachiswera mweni-nthengwa yo, zose zingusiwa ndi zingura.

2 Samuele 16:17

Absalomu wangunena ndi Hushai, “Kumbi uku ndiko kutauzga mubwezi wako? Chifukwa chine wengavi kuruta nayo mubwezi wako?”

Yeremiya 12:5

“Asani mwachimbiya pamoza ndi ŵanthu ŵakwenda pasi, ndipo ŵakuvuskani, na mungapindana nawo uli ŵakavalo? Ndipo asani mu charu cha chidika ndimu mutuwa pasi, na mulisuwa la Yordane muchitenge uli?

Yona 1:6

Viyo nduna ya ngarawa yinguza kwake ndi yinguti kwaku iyo, “Ung'anamuwanji iwe pakugona? Yuka, dana kwaku Chiuta wako! Vinu Chiuta wako wangatikumbuka kuti tireke kuyowa.”

Marko 14:36

Ndipo watinge, “Atate, Ada, vyose vyamachitika ndi imwe; mutuzgepo pangu nkhombo iyi; ndi kweni cho ndikhumba ine cha, kweni cho mukhumba imwe.”

Marko 14:38

Cherezgani ndi rombani mwakuti mureke kusere mu kesedu; mzimu nadi ngwakukhumba kuromba, kweni liŵavu ndakutomboroka.”