Marko 14:1 - Tonga Bible 1986

¹ Kweni pavuli pa mazuŵa ghaŵi linguŵapo dghera la phaska, ndi la chiŵande chambura chimera: ndipo ŵazukuru ŵara ndi ŵalembi ŵapenjanga mo wambayiyenge, wachimko kwa uchenjezi:

Marko 14:1 Referans Kwoze

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.

Yohane 11:47

Viyo ŵazukuru ŵara ndi ŵaFarisi ŵanguungana upu, ndipo ŵafumbananga ŵakuti, “Tichitenji? Uyu munthu wachita visimikizgu vinandi.

Mateyu 12:14

Kweni ŵafarisi, ŵangutuwamo, ŵangupangirana upu paku iyo, mo ŵamunangiyenge.

Mateyu 6:2

“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Sumu 62:4

Cho mupenja nkhumuwiskiya pasi, kumutuzga pa malo ghake gha ulemu. Mu kondwa ndi mautesi. Mukamba makani gha chitumbiku, kweni mu mtima winu mutimutemba.

Sumu 52:3

Utanja uheni kwakuruska umampha, kukamba utesi kwakuruska uneneska.

Chiyambo 37:18

Wangumuwone patali, ndipo wenga wandazi kufupi kwawo ŵangupangana kumikana nayo kuti wamubaye.

Chituwa 12:1

Ambuya anguti kwaku Mosese ndi Aroni mu charu cha Egipiti,

Marko 14:2

chifukwa watinge, “Mu dghera lo cha, vinu chingaŵapo chivulupi cha khamu lo.”

Marko 14:12

Ndipo pa zuŵa lakudanga la chiŵande chambura chimera, penipo ŵabayanga phasku lo, ŵasambizi, ŵake ŵanguti kwaku iyo, “Mukhumba tikamrongosoleyeni nunkhu kuti mukarghe phaska?”

Machitidu gha Ŵakutumika 12:4

Ndipo wati wamko, wangumuŵika ku ulinda, ndi kumpereka ku mipingu yinayi ya ŵankhondo, ŵanayi mu mpingu ndi mpingu, kuti ŵamkhazge, pakukhumba kumtuzgiya ku khamu lo pavuli pa Phaska.

ŴaLevi 2:6

Wakawumenyanga tumanatumana ndi kudapo mafuta pachanya, ndi mpasku wa ufwa.