Marko 13:14 - Tonga Bible 1986

¹⁴ “Kweni penipo muwona unyakazi wa phasulu kuma pa malo gho kuti utenere kumapo cha (wakuŵerenga yo wawemo) sono wamu Yuda wathaŵiye ku mapiri;

Marko 13:14 Referans Kwoze

Danyele 12:11

Kutuwa pa nyengo yo sembe yakocha ya mazuŵa ghose yikatuzgikangapo ndipo ukazuzi wo uchita umapopa waŵikikapo, vikaŵangako virimika mazuŵa chikwi chimoza ndi machumi pe chumi ghaŵi, pachanya machumi ghankhonde ndi ghanayi (1,290).

Danyele 9:27

Ndipo wakapangananga phanganu lakukho ndi ŵanandi mu sabata yumoza; ndi pakatikati pa sabata ŵalekeskekenge sembe yakubaya ndi sembe ya ufwa; pa phaphiku la vyaukazuzi, pakazanga yumoza yo wapasuwa mpaka umari wakulangulika upungulikiya pa wakupasuwa.”

Danyele 11:31

Nkhondo zakutuwa kwaku iyo zizenge kunanga nyumba yaku Chiuta ndi linga lake, zazamtuzgapo sembe yakocha mazuŵa ghose. Ndipo zazamuŵikamo ukazuzi wo upaska mapopa.

Chivumbuzi 13:18

Panu pe zeru: yowawamo, wapime muŵerengu wa chikoku cho; chifukwa muŵerengu ngwa munthu; ndipo muŵerengu wake ndi machumi pe chumi ghankhonde ndi limoza pachanya machumi ghankhonde ndi limoza ndi vinkhonde ndi chimoza (666).

Chivumbuzi 1:3

Ngwakutumbikika yo waŵerenga, mazu gha umchimi wo, ndi wo ŵatuvwa ndi ŵasunga vyo vyalembeka mwenimo: chifukwa nyengo yo ye kufupi.

1 ŴaKorinte 14:20

Mwa ŵabali, mungaŵanga ŵana mu vinjeru; kweni mu uheni muŵe twana; ndipo mu vinjeru ŵakukhoma.

Danyele 8:13

Viyo ndinguvwa mtuŵa yumoza wakukamba, ndi mtuŵa munyake wakukamba kwaku yo wangukamba pakudanga, “Mpaka zuŵanji na chimarenge chiwona chakunena ndi sembe yakocha ya zuŵa ndi zuŵa, kwananga ko kupaska phasulu, ndi kupereka kwa malo ghakupaturika ndi liŵanja kudyakika ndi marundi?”

Ezekiele 44:9

“Chifukwa cho atiti Ambuya Chiuta; Mlendo cha, wambura kuchinjika mu mtima ndi liŵavu cha kuti wasere mu malo ghangu ghatuŵa, inya, chingana ndi mlendo yo waja mukati mu ŵaYisraele.

Chitenje 1:10

Murwani watambaruwa manja ghake pa vinthu vyake vyakuzirwa vyose, inya, wawona mitundu yibwanganduwa malo ghake ghakupaturika, ŵeniwo imwe mungukanizga kusere mu maunganu ghinu.

Mateyu 13:51

“Kumbi mwawamo mwaku vyenivyo vyose?” Atiti kwaku iyo, “Inya.”