Marko 11:22 - Tonga Bible 1986

²² Yesu wakwamuka watiti kwaku wo, “Muŵe ndi chivwanu mwaku Chiuta.

Marko 11:22 Referans Kwoze

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

Yohane 14:1

“Ungakweŵekanga mtima winu cha: vwanani mwaku Chiuta, vwanani mwaku ine so.

Marko 9:23

Ndipo Yesu wangumnene, “Asani iwe uziŵa! Vyose vyamachitika ku wakuvwana.”

Yesaya 7:9

Ndipo mutu waku Efraimu ndi Samaria, ndipo mutu wa Samaria ndi mwana waku Remaliya. Asani kuti mukavwananga cha, kwakunenenska kuti mukajarikikanga cha.’ ”

2 Mikoka 20:20

Ndipo ŵangucherera ndi chivivivi wanguruta ku bozwa laku Tekoa; ŵachiruta, Yehosafati wanguma wanguti, “Mundivwe, mwa ŵaYuda ndi Yerusalemu! Vwanani mwaku Chiuta widu, ndipo mukhozgekenge; gomezgani ŵamchimi ŵake ndipo mupundenge.”

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

ŴaKolose 2:12

mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.

Mateyu 17:20

Iyo wanguŵanene, “Chifukwa cha chivwanu chinu chimana: chifukwa ndikuneneskiyani, asani mwenacho chivwanu nge ndi nje ya kamganje muneniyenge phiri ili, ‘Nyamuka panu kawi kuwa,’ linyamukenge; ndipo kanthu kose kuti katondekenge kwaku imwe cha. [

Mateyu 21:21

Kweni wakwamuka Yesu wanguti, “Nadi ndikuneneskiyani, asani mungaŵa ndi chivwanu, ndi mungadonda cha, kuti muchitenge cho cha mkuyu wo pe cha, kweni chingana munganene phiri ili, ‘Uzulike ndi upong'eke mu nyanja,’ chikachitikanga.

Mateyu 14:29

Ndipo wanguti, “Zanga!” Ndipo wati wasika kutuwa mu ngaraŵa, Petro wangwenda pa maji gho kuya kwaku Yesu.