Marangu 9:9 - Tonga Bible 1986

⁹ Po ndingukwere mu phiri kwachironda mya ya vipapate, mya ya phanganu lo Ambuya anguchita ndi imwe, ndingujako mazuŵa machumi ghanayi (40) ku phiri, msana ndi usiku, kuti ndingurgha chiŵande cha, chingana nkhumwa maji cha.

Marangu 9:9 Referans Kwoze

Chituwa 34:28

Ndipo wenga wakuja pamoza ndi Ambuya mazuŵa machumi ghanayi (40) ndi mausiku machumi ghanayi (40), kuti wangurgha nanga ndi chiŵandi chingana nkhumwa maji cha. Ndipo wangulemba pa magome mazu gha phanganu, marangu gho chumi.

Chituwa 24:18

Ndipo Mosese wangusere mu mtambo ndi wangukwere pa phiri. Ndipo Mosese wenga pa phiri mazuŵa machumi ghanayi (40) ndi mausiku machumi ghanayi (40).

1 ŴaKaronga 19:8

Ndipo wanguyuka wangurgha ndi kumwa, ndipo wanguruta mu nthazi ya kurgha kuwa mazuŵa machumi ghanayi msana ndi usiku ku Horebu, phiri laku Chiuta.

Chituwa 24:15

Sono Mosese wangukwere pa phiri ndipo mtambo unguvimba phiri lo.

Chituwa 24:12

Ambuya anguti kwaku Mosese, “Kwere kuno kwangu pa phiri ndipo ukarindizge penipa, ndipo ndikakupaskanga magome gha mwa ndi dangu ndi langulu vyo ndakurembe kuŵarunguchizga.”

Mateyu 4:2

Ndipo wati wafunga mazuŵa machumi ghanayi ndi mausiku machumi ghanayi, pavuli wanguvwa nja.

Marangu 9:18

Ndipo ndinguwa pasi pa nthazi pa Ambuya nge mphakudanga, mazuŵa machumi ghanayi chingana nkhumwa maji, chifukwa cha kwananga kwenu, pakuchita uheni pa maso pa Ambuya, kuŵakwiyiska.

ŴaGalatia 4:24

Vyenivyo vyose vyakambika kwantharika: pakuti ŵanthukazi wo ŵe mapanganu ghaŵi; limoza lakutuwa ku phiri Sinai, lakupapiya ŵana ku uŵanda, lenilo ndi Hagara.

2 ŴaKaronga 6:22

Wangwamuka, “Kuti ungaŵabaya cha. Kumbi ubayenge ŵeniwo wayora umkoli ndi lipanga lako ndi uta wako? Uŵajarikiye kurgha ndi maji, alinga kuti ŵarghe ndi kumwa ndi kuwere ku mbuyawo.”

Marangu 9:15

Viyo ndingung'anamuka kusika mu phiri, ndipo phiri lingukole moto, ndipo mya yiŵi ya vipapate ya phanganu yenga mu manja ghangu ghaŵi.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

ŴaHebere 9:4

chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

Marangu 9:11

Ndipo pa umari wa mazuŵa machumi ghanayi (40) ndi mausiku machumi ghanayi (40) Ambuya angundipaska mya ya vipapate yiŵi, mya yakurembekapo phanganu.

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”