Marangu 9:7 - Tonga Bible 1986

⁷ Kumbukani ndi rekani kuruwa mo mungukalipiskiya Ambuya Chiuta winu mu bozwa. Kutuwa pa zuŵa liya mungutuliya mu charu cha Egipiti mpaka mwafika mu malo yagha, mwaŵa ŵakugarukiya Ambuya.

Marangu 9:7 Referans Kwoze

Maŵerengedu 21:5

Ndipo ŵanthu ŵangurongoro kwaku mikana ndi Chiuta ndi kwaku mikana ndi mosese, ŵatinge, “Mungutituzgiyanji mu Egipiti kuti tizifwiyi mu bozwa? Pakuti mulivi kurgha nanga ndi maji, ndipo tavuka ndi kurgha uku kwambura kwenere.”

Chituwa 16:2

Ndipo mpingu wose wa ŵaYisraele ungudinginikiya Mosese ndi Aroni mu bozwa,

Chituwa 14:11

ndipo ŵanguti kwaku Mosese, “Kumbi nchifukwa chakuti mulivi miunda mu Egipiti, po watituzgamo kuzachifwiya mu bozwa? Nchine cho wachita kwaku ifwe, pakutituzga mu Egipiti?

Maŵerengedu 25:2

Yaŵa ŵangudaniya ŵanthu ku sembe za ŵachiuta ŵawo, ŵanthu ŵangurgha ndi kugwadiya ŵachiuta ŵawo,

Maŵerengedu 11:4

Ndipo mzinda wa ŵanthu ŵanyake ŵanguchita chirghoko; ndipo ŵaYisraele nawo ŵanguliya, ŵanguti, “Kumbi njani wakatipaskanga nyama kuti tirghe!

ŴaEfeso 2:11

Viyo kumbukani kuti kali imwe, mwa ŵaMitundu kuchiri ku liŵavu, ŵakuzumbulika ŵambura kuchinjika ndi cho chizumbulika Mchinju mu liŵavu, wakuchitika ndi manja,

1 ŴaKorinte 15:9

Chifukwa ine nde mumana limu wa wakutumika, ndawambura kwene kutamulika wakutumika, chifukwa chakuti ine ndinguliŵemba eklesiya laku Chiuta.

Ezekiele 36:31

Penipo ndipo mukakumbukanga nthowa zinu, ndi nchitu zinu kuti zenga ziheni, sono mukajitinthanga mwaŵeni chifukwa cha maukazuzi ndi milimu ya maunyakazi ghinu.

Ezekiele 20:43

Kwenikuwa ndiko mukakumbukanga nthowa zinu ndi nchitu zinu zose zo mukujikazuzga nazo; ndipo mukajisuskanga imwe mwaŵeni pa chifukwa cha mauheni ghose gho mwachita.

Marangu 31:27

Pakuti ndiziŵa mo mulili ŵakugaruka ndi ŵanonono. Ehe, penipo ndeche wamoyo pamoza namwe, le mwaŵagarukiya Ambuya. Pavuli pa nyifwa yangu kwazamukuŵa uli!

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

Chituwa 17:2

Chifukwa cho ŵanthu ŵangusaniya kafukwa ndi Mosese ndi ŵanguti, “Utipaske maji timwenge.” Ndipo Mosese wanguti kwaku wo, “Chifukwa nchine pakulimbana ndi ine? Chifukwa nchine mutuŵesa Ambuya?”

Chituwa 14:10

Penipo Farao wangundere pafupi, ŵaYisraele ŵanguyinuska maso ghawo, ndipo ŵanguwona ŵaEgipiti ŵazanga kurondo iwo; ndipo ŵangutenthema ukongwa. Ndipo ŵaYisraele ŵanguliriya ku Ambuya;

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Maŵerengedu 14:22

ndikalanganga ŵanthu wose wo ŵawona unkhankhu wangu ndi vya minthondwi vyangu vyo ndinguchita mu Egipiti ndi mu bozwa, ndipo ŵandesa sono kwanyengo izi chumi ŵakana kuvwa mazu ghangu,

Maŵerengedu 17:10

Ambuya angunena ndi Mosese, “Wezgiyapo ndodo yaku Aroni paurongo pa chisimikizgu, yisungikiye kuŵa chakuwoniyapo ku ŵakugaruka, kuti umare madinginiku ghawo kumikana ndi ine, vinu ŵangafwa.”

Marangu 9:4

“Mungakambanga mu mtima winu, pavuli pa Ambuya Chiuta winu waŵadikiska pa nthazi pinu, kuti, ‘Nchifukwa cha urunji wangu, lekani Ambuya andiserezga kwazironda charu ichi.’ Kweni nchifukwa cha kwananga kwa mitundu iyi lekani Ambuya akuŵadikiskiya kutali kutuwa pa nthazi pinu.

Marangu 9:24

Mwenga ŵa chigaruka kumikana ndi Ambuya Chiuta winu kutuwa zuŵa liyandingumuziŵiyani.

Yesaya 48:8

Mulivi kuvwapo, mulivi kuviziŵapo, kutuliya ku mwaka gutu linu lilivi kujurikapo. Pakuti ndinguziŵa kuti mwatinge muchitenge mwakupusika, ndi kuti kutuliya ku kawi mungudanika ŵachigaruka.

Yeremiya 11:10

Ŵawere vuli ku mautimbanizi gha ambuyawo, ŵeniwo ŵangukana kuvwa mazu ghangu; ŵandondoloska ŵachiuta ŵanyake kuŵatataliya; ŵaYisraele ndi ŵaYuda ŵaswa phanganu langu lenilo ndinguchita ndi auskeu.

Yeremiya 32:30

Pakuti ŵaYisraele ndi ŵaYuda ŵachita kanthu kanyake cha kweni uheni pe pa maso pangu, kwamba ku uhurwa wawo; ŵaYisraele ŵalivi kuchita kanthu kanyake kweni kundisosomole ine ku kukwiya ndi nchitu ya manja ghawo, atiti Ambuya.

Ezekiele 20:8

Kweni ŵangugaruka kwaku ine kuti ŵangundivwiya cha; munthu yose kuti wangutaya vinthu vyakutinkhika vyo maso ghake ghangukorokwa navyo cha, nanga nkhutaya ŵangoza ŵaku Egipiti. “Penipo ndingughanaghana kuti ndiŵapunguliye ukari wangu ndi kumarizga kukara kwangu paku iwo mukati mu charu cha Egipiti.

Yeremiya 44:9

Kumbi mwaruwa mautimbanizi gha auskemwe, mautimbanizi gha ŵakaronga ŵaku Yuda, mautimbanizi gha ŵawoli ŵinu, gho ŵanguchita mu charu chaku Yuda ndi mu miseu ya Yerusalemu?

Ezekiele 20:13

Kweni nyumba yaku Yisraele yingundigarukiya mu bozwa; kuti ŵangwenda muvirungu chizgu vyangu cha, ŵangutinkha malangulu ghangu, gho munthu pakughasunga wakaŵanga ndi umoyo; masabata ghangu nagho ŵangughakazuzga ukongwa. “Penipo ndingughanaghana kuti ndiŵapunguliye ukari wangu mu bozwa, alinga kuti ndiŵamarizgiye limu.