Marangu 9:3 - Tonga Bible 1986

³ Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

Marangu 9:3 Referans Kwoze

Marangu 4:24

Chifukwa Ambuya Chiuta winu ndi wakunyeka, Chiuta wa sanji.

ŴaHebere 12:29

chifukwa nadi Chiuta widu ndi moto wakunyeka.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Marangu 20:4

Pakuti Ambuya Chiuta winu ndiyo waruta namwe pamoza, kwachimurwiyani kumikana ndi ŵakupindikana ŵinu kumupaskani imwe chirewa.’

Yoswa 3:11

Ehe, bokosi la phanganu la Ambuya ŵa charu chose chapasi likadanjiyanga paurongo pinu kuya ku Yordane.

Mika 2:13

Yo wajura dangazi waruta panthazi pawo; wakatoronga ndi kuporota pa likomo, kutuliya kubwalo paku lo. Karonga wawo ndiyo wamudanjiya panthazi pawo, Ambuya akuŵalongozga.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

Marangu 1:30

Ambuya Chiuta winu wakudanjiriyani ndiyo wamukukurwiyani, kwakulingana ndi vyose vyo wangumuchitiyani mu Egipiti pa maso pinu.

Yoswa 3:14

Viyo po ŵanthu ŵanguti ŵasoka mu mahema ghawo kwachambuka Yordane pamoza ndi ŵazukuru ŵakupinga bokosi la phanganu paurongo pawo,

ŴaEfeso 5:17

Chifukwa chenichi mungaŵanga ŵakupusa cha, kweni ŵakuchiteska cho ndi khumbu la Ambuya.

Marko 7:14

Ndipo wangudana so mzinda wo, wanguti, “Ndivwiyeni mose ndi wanimo:

Mateyu 15:10

Ndipo, wakujidaniya mzinda wo, wanguŵanene, “Vwani, ndi wanimo.

Yesaya 33:14

Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Yesaya 30:27

Ehe, zina la Ambuya lituwa kutali, lakunyeka ndi ukari wawo, ndi mu usi ukhomi wakukwera; milomo yake njakuzaza ndi kukwiya, lilime lake le uli ndi moto wakocha;

Yesaya 27:4

Kweni kuti ndisaniya vinyo cha. Mphanyi ndinguŵa ndi minga ndi kankhande, ndatinge ndirwenge nawo nkhondo ndi kuwocha wose.

Marangu 9:6

“Viyo ziŵani kuti Ambuya Chiuta winu wamupaskani charu ichi chamampha kuti muchironde, kuti nchifukwa cha urunji winu cha, pakuti ndimwe ŵanthu ŵanonono mtima.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Chituwa 24:17

Sono kawonekedu ka unkhankhu wa Ambuya kenga uli ndi moto wakocha pachanya pa phiri mu maso gha ŵaYisraele.

Ŵeruzgi 4:14

Ndipo Debora wanguti kwaku Baraki, “Kwera! Pakuti ili ndi zuŵa lo Ambuya apereka Sisera mu janjo lako. Asi Ambuya atikudanjiriyani?” Viyo Baraki wangusika ku phiri Taboro pamoza ndi ŵanthu vikwi chumi (10,000) ŵakumulondo.

Chituwa 23:23

“Mungelo wangu wachenda paurongo pinu, ndi watumutoleni mu ŵaAmori, ndi ŵaHiti, ndi ŵaPerezi, ndi ŵaKanani, ndi ŵaHivi, ndi ŵaYebusi, ndi ine ndichiŵazimwamo,

Marangu 7:22

Ambuya Chiuta winu watuzgengepo mitundu iyi panthazi pinu kamanakamana, kuti mwakuŵamara ruŵi cha, vinu vikoko vyamu dondo vingachimwa ndaniyani ukongwa.

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Yoswa 11:12

Ndipo ndi misumba yose ya wakaronga ŵa, ndi ŵakaronga ŵawo wose, Yoswa wanguto ndipo wanguŵakoso ndi lipanga, kuŵamariya limu, nge ndimo Mosese mteŵeti wa Ambuya wangulanguliya.

Yoswa 14:12

Viyo sono ndipaske charu cha mtunthu ichi cho Ambuya angunena pa zuŵa liya; pakuti ugujivwiya zuŵa liya mo ŵina Anakimi ŵanguŵiyako, ndi misumba yikuru ya malinga: kokuli Ambuya akaŵanga nane, ndipo ndikaŵatuzgangamo uli ndimo Ambuya angunene.”