Marangu 9:12 - Tonga Bible 1986

¹² Viyo Ambuya anguti kwaku ine, ‘Yuka, sika ruŵi kutuwa pano pakuti ŵanthu ŵako wo waŵatuzga mu Egipiti ŵarakwa, ŵapatuka ruŵiruŵi kutuwa ku nthowa yo ndinguŵalanguliya, ŵajipangiya chikozgu chakusongono.’

Marangu 9:12 Referans Kwoze

Ŵeruzgi 2:17

Ndipuuli, kuti ŵanguvwiya ŵeruzgi ŵawo cha; pakuti ŵangusomphorwa ku ŵachiuta ŵanyake ŵanguŵalambiya; ruŵiruŵi ŵangupatuka mu nthowa yo auskeu ŵangwendamo, wo ŵanguvwiya marangu gha Ambuya, kweni iwo kuti ŵanguchita viyo cha.

Marangu 31:29

Pakuti ndiziŵa kuti pavuli pa nyifwa yangu, kwakuneneska mwazamuchita kwaunyakazi ndi kupatuka mu nthowa yo ndamulanguliyani, ndipo mu mazuŵa gho ghakazanga, chiheni chikamuŵiyaninga chifukwa mukachitanga cho nchiheni mu maso gha Ambuya, kuŵakaripiska ndi nchitu za manja ghinu.”

ŴaGalatia 1:6

Ndizizwa kuti musamako viyo ruŵi kwaku mweniyo wangumdanani ndi wezi waku Kristu,

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

Yuda 1:10

Kweni yaŵa ŵanthu mbakutuka vyenivyo vyose ŵalivi kuziŵa; ndipo vyenivyo vyose ŵawamo kwakawi, nge ndi vyamoyo vyambura vinjeru, mwaku vyenivyo ŵanagikiya.

Sumu 78:57

ŵanguwere vuli ndi kuchita chigaruka nge mbauskeu; ŵambura magomezgeka nge ndi mivwi yakupong'eka mu uta, wakunyongoroka.

Marangu 32:5

Ŵamuchitiya ukazuzi, kuti mbana wake sono cha, chifukwa cha kalema kawo. Ndiwo mugonezi wakusoŵa ndi wakunyongoroka.

Marangu 9:16

Ndipo ndingulereska, ndipo munguŵanangiya Ambuya Chiuta winu. Mungujipangiya thole lakusongono. Mungupatuka ruŵiruŵi kutuwa ku nthowa ya Ambuya yo angumulanguliyani.

Marangu 4:16

muchenje vinu mangachimwa pakujichitiya chikozgu chakusema mukawonekedu ke kose. Pamwenga mu chikozgu cha munthurumi, pamwenga munthukazi;

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Chituwa 13:3

Ndipo Mosese wanguti ku ŵanthu, “Kumbukani zuŵa ili, mwaku lo mungutuliya mu Egipiti, kutuwa mu nyumba ya uŵanda, pakuti ndi nthazi ya janja Ambuya Angukutuzgani ku malo yagha: kuwulevi kurgha chiŵande cha mtupu.

Marangu 5:15

Ukumbuke kuti wenga muŵanda mu charu cha Egipiti, ndipo Ambuya Chiuta wako wangukutuzgamo ndi janja la nthazi ndi mkono wakutambaluka; chifukwa ichi Ambuya wako akukulanguliya kusanga zuŵa la Sabata.

Marangu 9:26

Ndinguromba ku Ambuya, ndinguti, ‘Ambuya Chiuta, rekani kupasuwa ŵanthu ŵinu, wo mukuŵasankha, ŵeniwo mwaŵawombo mu ukuru winu mwaŵatuzga mu Egipiti ndi janja la nthazi.

Marangu 9:29

Chifukwa mbanthu ŵinu ŵakusankhika, ŵeniwo munguŵatuzga ndi nthazi zinu zikuru ndi mkono winu wakunyoroka.’