Marangu 9:10 - Tonga Bible 1986

¹⁰ Ambuya angupereka kwaku ine mya ya vipapate yiŵi yakurembeka ndi munwi waku Chiuta, ndipo paku yo pangurembeka mazu ghose gho Ambuya angukamba namwe pa phiri kutuwa mu moto mu zuŵa la ungano.

Marangu 9:10 Referans Kwoze

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

ŴaHebere 8:10

Pakuti chenichi nchipanganu chenicho ndichitenge ndi nyumba yaku Yisraele pavuli pa mazuŵa yagha, atiti Ambuya: ndiŵikenge marangu ghangu mu vinjeru vyawo, ndipo pa mitima yawo ndighalembenge; ndipo ndiŵaŵiyenge Chiuta, ndipo iwo ŵandiŵiyenge khamu:

Marangu 18:16

Chiuta wakatumanga mchimi chifukwa mungunweke Ambuya Chiuta winu pa Horebe pa zuŵa liya la ungano, penipo mungukamba kuti, ‘Ndireke kuvwa so mazu gha Ambuya Chiuta wangu, pamwenga kuwona so moto uwu ukuru, vinu ndingafwa.’

Marangu 10:4

Ambuya angulemba pa mya, marembu ghakuyana ndi ghakudanga, marangu chumi ghenigho Ambuya angulangula kwaku imwe mu phiri kutuwiya mukati mu moto, mu zuŵa la ungano, Ambuya angundipaska ghenigho.

2 ŴaKorinte 3:3

pakurongoleka kuti mwe kalata waku Kristu, wakuperekeka ndi ifwe, wakulembeka ndi inke cha, kweni pa vipadwa vya mitima ya ŵanthu.

Luka 11:20

Kweni asani ndi munwi waku Chiuta ndituzgiya ŵademone wo, penipo ndipo wafikiya paku imwe ufumu waku Chiuta.

Mateyu 12:28

Kweni asani ine ndituzgiya ŵademone wo mu Mzimu waku Chiuta, iku waza nadi paku imwe ufumu waku Chiuta.