Marangu 9:1 - Tonga Bible 1986

¹ “Vwani ŵaYisraele, zuŵa lino mukambukanga Yordane kwa chisere ndi kwachironda mitundu yikuru ndi yanthazi kuruska imwe, msumba yikuru ndi malinga ghatali kufika kuchanya,

Marangu 9:1 Referans Kwoze

Marangu 11:31

Pakuti mwambukenge Yordane kusere ndi kuronda charu cho Ambuya Chiuta winu watumupaskani kwachichironda kuŵa chinu, ndi kuja mwenimo. Po mwachironda ndi kujamo

Marangu 4:38

Wangudikiska mitundu yikuru ndi yanthazi kwakuruska imwe panthazi pinu, kumuserezgani ndi kumupaskani charu kuŵa chihara, nge ndimo kulili kunu kule.

Marangu 1:28

Tikwere nunkhu? Ŵabali ŵidu ŵagongoweska mitima yidu kuti, “Ŵanthu mbakuru ndi mbatali kwakuruska ifwe; mizi nayo njikuru ndipo ye ndi malinga ghakugota kuchanya, ndipo so tawonako ŵana ŵa Anakimu kwenikuwa.” ’

Yoswa 1:11

“Porotani mu ugoŵi, ŵaneniyeni ŵanthu wo, kuti ‘Jirongosoliyeni kamba, chifukwa mukati mu mazuŵa ghatatu mukambukanga Yordane uyu, kwachisere, kwachironda-ronda charu cho Ambuya Chiuta winu wamupaskani kuchironda.’ ”

Marangu 11:23

penipo ndipo Ambuya adikiskenge mitundu iyi panthazi pinu, ndipo mukaharanga mitundu yikuru ndi yanthazi kuruska imwe.

Marangu 7:1

“Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Marangu 3:18

“Ndipo ndingukuneniyani nyengo yiya kuti, ‘Ambuya Chiuta winu wakupaskani charu ichi kuŵa chinu, ŵanthurumi ŵinu wose ŵanozgeke ndi vidya pakulowoka ndi kwenda panthazi pa ŵabali ŵinu ŵaYisraele.

Yoswa 4:19

Ŵanthu ŵanguzuwuka mu Yordane pa zuŵa la chumi la mwezi wakudanga, ndipo ŵangugoŵa pa gilgala ku mphaka yaku vuma ya Yeriko.

Yoswa 4:5

wangunena nawo, “Jumphani paurongo pa bokosi la Ambuya Chiuta winu mukati mu Yordane, ndipo jitoliyeni yumoza ndi yumoza waku imwe mwa umoza pa phewa lake, kwakuyana ndi unandi wa mafuku gha ŵaYisraele,

Yoswa 3:16

maji ghakusika kutuwa kunena ghanguma, ndipo ghanguŵa ndundu kutali, ku Adama, musumba wa pafupi ndi Zaretana, ndipo maji ghakulazga ku nyanja ya mu Araba, Nyanja ya Mche, ghose ghangudumulika, ŵanthu ŵangwambuka pa kulereskana ndi Yeriko.

Yoswa 3:14

Viyo po ŵanthu ŵanguti ŵasoka mu mahema ghawo kwachambuka Yordane pamoza ndi ŵazukuru ŵakupinga bokosi la phanganu paurongo pawo,

Yoswa 3:6

Yoswa wanguti ku ŵazukuru, “Nyamuwani bokosi la phanganu ndipo jumphani paurongo pa ŵanthu.” Ŵangunyamuwa bokosi la phanganu lo.

Marangu 27:2

Ndipo pa zuŵa lenilo mwamkwambukiya Yordane kuya ku charu cho Ambuya Chiuta winu watukupaskani, mwamumika mya yikuru, ndi kuyimata ndi dongu.

Maŵerengedu 13:22

Ndipo ŵangufika ku charu chaku mwela, ŵangufika ku Hebroni; kweniko ŵenga Ahimana, Sesai, ndi Talmai ŵa mphapu yaku Anaka. (Hebroni wanguzengeka virimika vinkhonde ndi viŵi wenga wandazengeke Zoani mu Egipiti).

Chiyambo 11:4

Sono ŵanguti, “Tiyeni tijizenge msumba; ndi sonjo pachanya, wafike ku mtambo, ndipo tijichitiye zina, vinu tingamwaranikiya pa charu chose.”

Marangu 6:10

“Ndipo Ambuya Chiuta winu wamuserezgani mu charu, cho wangurapiya auskemwe Abrahamu, Yisaki ndi Yakobe, kumpaskani, ndi misumba yake yikuru ndi yamampha yeniyo mulivi kuyizenga,

Danyele 4:11

Muti ungukuwa ndi unguŵa wanthazi, ndipo songo zake zingufika kuchanya, ndi unguwoneka ku chigoti cha charu chose chapasi.

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Maŵerengedu 33:51

“Ukambe ndi ŵaYisraele, mutakuti mwalowoka Yordane kusere mu charu cha Kanani,

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Yoswa 1:15

mpaka po Ambuya apaska chipumulu ku ŵabali ŵinu ndipo so ndi kwaku imwe, ndipo nawo so ŵaŵa nacho charu cho Ambuya Chiuta winu waŵapaska; pavuli paku cho mukawerenga ku charu cho nchinu, ndipo mwa muja mwaku cho, charu cho Mosese Mteŵeti wa Ambuya wakukupaskani kusirgha ku Yordane kumatuli gha dazi.”

Yoswa 14:12

Viyo sono ndipaske charu cha mtunthu ichi cho Ambuya angunena pa zuŵa liya; pakuti ugujivwiya zuŵa liya mo ŵina Anakimi ŵanguŵiyako, ndi misumba yikuru ya malinga: kokuli Ambuya akaŵanga nane, ndipo ndikaŵatuzgangamo uli ndimo Ambuya angunene.”

Amosi 2:9

“Kweni ndinguparghang'a Amori pamaso pawo wo utali wawo we nge mbutali wa milanji, ndipo yo wenga wanthazi nge ndi miti ya kankhandi; ndingupuluwa vipasi vyake kuchanya, ndi kuzuwa misisi yake kusi.