Marangu 8:5 - Tonga Bible 1986

⁵ Viyo muziŵe mu mtima winu kuti nge ndimo munthu walangiya mwana wake, ndimo Ambuya Chiuta winu wamulangiyani.

Marangu 8:5 Referans Kwoze

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

Nthanthi 3:12

pakuti Ambuya achenya mweniyo ŵatanja, nge ndi wiske pa mwana mwaku mweniyo wakondwere.

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

1 ŴaKorinte 11:32

Kweni pakweruzgika tilangika ndi Mbuya, alinga kuti tingasuskikiya pamoza ndi charu cha.

Sumu 94:12

Wakukondwa ndi munthu yo imwe Ambuya mutimurunguchizga; munthu yo imwe mutimusambizga dangu linu.

Ezekiele 18:28

Chifukwa wangurunguruka ndipo wakureka viheni vyake vyose vyo wachitanga, kuti wakafwanga cha, nadi wakaŵanga wamoyo.

Sumu 89:32

penipo ndipo ndikaŵalanganga chifukwa cha uheni wawo; ndikaŵakwechuwanga chifukwa cha kunanga kwawo.

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Ezekiele 12:3

chifukwa ndi nyumba ya chigaruka. Pa chifukwa cho, mwana wa munthu, ujirongosole katundu wapa ulendo ku umkoli, ndipo urutenge ku umkoli ndi msana pa maso ghawo; ukarutanga nge ngwamkoli kutuwa pa malo ghako kuya pa malo ghanyake pa maso ghawo. Akhumba ŵakawangamo nanga mba nyumba ya chigaruka.

Marangu 4:23

Mujichenjeremwaŵeni, vinu mungaruwa phanganu la Ambuya Chiuta winu lenilo wangupangana namwe, pakujichitiya chikozgu chakusemeka, pamwenga chikozgu cha kanthu kose keniko Ambuya Chiuta winu wamukanizgani.

Yesaya 1:3

Ng'ombe yiziŵa mbuyake ndi mbunda khora lake; kweni Yisraele kuti waziŵa cha, ŵanthu ŵangu kuti ŵawamo cha.”

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Marangu 8:6

Sono musungenge marangu gha Ambuya Chiuta winu, pakwenda mu zinthowa zake, ndi pa kumopa.

Nthanthi 13:24

Mweniyo wareka kuto ndodo watinkha mwana wake, kweni mweniyo watumwanja watanja kumulanga.

Wakutaula 7:14

Mu zuŵa la kusakata kondwanga, ndipo mu zuŵa la soka ghanaghana; Chiuta wachita chimoza ulaka nge nchinyake mwakuti munthu wareke kusaniya kanthu ko kaŵengepo, pavuli pake.

Marangu 1:31

Ndi mu mabozwa munguwona mo Ambuya Chiuta winu wangumuphwereliyani nge ndimo munthu waphwerere mwana wake, mu nthowa yose yo mungwenda mpaka mwazifika mu malo ghano.’

Nthanthi 3:11

Wa mwana wangu, ungayuyuwanga kendeskedu ka Ambuya pamwenga kuvuka ndi kuranga kwawo,