Marangu 8:2 - Tonga Bible 1986

² Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

Marangu 8:2 Referans Kwoze

Yakobe 1:3

pakuziŵa kuti chirozgu cha chivwanu chinu chitata unkhunthiya.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Marangu 8:16

Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Chituwa 16:4

Ndipo Ambuya anguti kwaku Mosese, “Ehe, ine ndikang'iskanga chiŵande kutuliya kuchanya chaku imwe; ndipo ŵanthu ŵakarutanga kwachiyora vya zuŵa limoza, zuŵa ndi zuŵa, alinga ndiŵese, manyi ŵakendanga mu dangu langu, pamwenga awa.

Marangu 2:7

Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

Chituwa 15:25

Ndipo wanguliriya ku Ambuya, ndipo Ambuya angumurongo muti, ndi wanguupong'a mu maji, ndipo maji ghangusanduka ghakunowa. Penipo Ambuya anguŵachitiya chakukombo ndi dangu ndipo penipo anguŵesa,

Yakobe 4:10

Mujichefye paurongo pa Ambuya, ndipo wamkuzgeninge.

Yohane 2:25

chifukwa iyo wanguziŵa wose, ndipo kuti wangukavuka cha kuti yumoza wasimikizge pa munthu; chifukwa mwenecho waziŵanga cho chenga mu munthu.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

Marangu 29:5

Ndakurongozgani virimika machumi ghanayi (40) mu bozwa, vivwalo vinu vilivi kuguga pa maliŵavu ghinu, ndipo viyatu vinu vilivi kupaluka ku marundi ghinu.

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Nthanthi 17:3

Mumphika wakusungapo ngwa siliva ndipo ng'anjo nja golide, ndipo Ambuya ŵatesa mitima.

Sumu 136:16

wangurongozga khamu lake mu bozwa, chifukwa nchamuyaya chifundu chake.

Sumu 106:7

Po auskefwe ŵenga mu Egipiti kuti ŵanguwamo cha ndi nchitu zakuziziswa zaku Chiuta; ŵanguruwa unandi wa zinyengo zo wanguŵarongo chanju chake, ndipo ŵangumugarukiya ŵanthazi zose pa Nyanja Yiyera.

Sumu 81:7

Po wenga mu suzgu ungundidana, ndipo ndingukutaska. Kutuliya mu malo ghangu ghakubisika, mu mweza, ndingukwamuka; ndingukwesa pa maji ghaku Meriba.

Sumu 77:11

Ndikumbukenge nchitu zinu zikuru Ambuya; ndikajikumbuskanga ndi vyakuziziswa vyo munguchita mu mazuŵa gharuta.

Jobu 33:17

mwakuti wamutuzgeko munthu ku nchitu yake, ndi kutuzgako kujikuzga ku munthu;

2 Mikoka 33:12

Ndipo pakuŵa mu suzgu wanguŵeyere Ambuya Chiuta wake, ndi kujiyuyuwa ukongwa pa maso paku Chiuta wa ambuyake.

Marangu 13:3

mungategherezganga mazu gha nchimi yo cha, pamwenga wakulota maloto yo cha. Chifukwa Ambuya Chiuta winu watumwesani kuti waziŵe pamwenga mutuŵanja Ambuya Chiuta winu ndi mtima winu wose ndi umoyo winu wose.

Marangu 7:18

Mungachiŵawopanga cha kweni mukumbuke vyo Ambuya Chiuta winu wanguchita kwaku Farao ndi ku Egipiti yose;

Marangu 1:33

yo wakudanjiliyaninga wakumupenjiyani malo ghakujinthapo mahema ghinu. Wanguruta mu usiku ndi moto, ndi msana ndi bingu kukulongoni nthowa yo mutenere kwendamo.

Marangu 1:3

Ndipo mu chirimika cha machumi ghanayi (40) pa zuŵa lakudanga la mwezi wa chumi ndi umoza, Mosese wangukamba ndi ŵaYisraele kwakulingana ndi vyose vyo Chiuta wangumulanguliya mu dangu kuŵanene.

Chiyambo 22:1

Pavuli pa vinthu ivi, Chiuta wangwesa Abrahamu, ndi wanguti kwaku iyo, “Abrahamu!” Ndipo iyo wanguti, “Nde pano.”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

Chituwa 16:35

Ndipo ŵaYisraele ŵangurgha mana virimika machumi ghanayi, mpaka penipo ŵanguza ku charu cha chikhazi; ŵarghanga mana, mpaka penipo ŵanguza ku mphaka za charu cha Kanani.

Chituwa 20:20

Ndipo Mosese wanguti ku ŵanthu, “Mungopanga cha; pakuti Chiuta waziya kumwesani ndi so kuti mumopenge iyo, alinga mureke kulakwa.”

Maŵerengedu 14:33

Ndipo ŵana ŵinu ŵakaŵanga ŵaliska mu bozwa virimika machumi ghanayi, ndipo ŵakasuzgikanga chifukwa cha mauyaghayagha ghinu, mpaka penipo viŵanda vinu vyamaliya mu bozwa,

Ŵeruzgi 2:22

mwakuti mwaku yo ndimu ndimwesiyenge Yisraele vinu wakaphwerenga kwenda mu nthowa ya Ambuya uli ndimo ŵanguchitiya auskeu pamwenga awa.”

Ŵeruzgi 3:4

Yenga yakwesiyapo Yisraele, kuti kuziŵikwe vinu Yisraele wangavwiya marangu gha Ambuya, ghenigho angulanguliya auskeu mwaku Mosese.

Nehemiya 9:19

imwe mu malisungu ghinu ghakuru kuti munguŵajowo cha mu bozwa; mzati wa mtambo weniwo unguŵarongozga mu nthowa wengavi kutuwako kwaku wo ndi msana, nanga ndi mzati wa moto ndi usiku weniwo unguŵambulikiya nthowa yakuti ŵendengemo.

Ezekiele 20:19

Ine Ambuya nde Chiuta winu; yendaninga mu virunguchizgu vyangu, ndipo phwereni kusunga malangulu ghangu,

Marangu 32:7

Kumbukani mazuŵa gha mwaka, ghanaghanani virimika vya migonezi yinandi; fumbani auskemwe, ndipo ŵakakurongoninga, ŵara ŵinu ŵakamuneniyaninga.

Sumu 103:2

Rumbanga Ambuya, wa mzimu wangu, ndipo ungaruwanga vyakovya vyawo vyose.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’