Marangu 8:19 - Tonga Bible 1986

¹⁹ Ndipo asani muruwa Ambuya Chiuta, ndi kurondo ŵachiuta ŵanyake ndi kuŵateŵete ndi kuŵasopa, nditimuchenjezgani ukongwa zuŵa lino, kuti kwakuneneska mukaparghang'ikanga.

Marangu 8:19 Referans Kwoze

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Luka 13:5

Ndikuneniyani, Awa na: kweni kwambura kuti mung'anamukenge, mose muparghanikenge kwakukozgana.”

Luka 13:3

Ndikuneniyani, Awa na: kweni kwambura kuti mung'anamukenge, mose muparghanikenge kwakukozgana.

Zefaniya 3:6

“Ndananga mitundu ya ŵanthu; malinga ghawo ghapasuka. Ndaparghang'a miseu yawo, viyo palivi yumoza watendamo; misumba yawo yapasuka, mulivi munthu, mulivi wakujamo.

Zefaniya 1:18

Chingana ndi siliva pamwenga golide wawo kuti viŵenge ndi nthazi cha kuŵataska mu zuŵa la ukari wa Ambuya. Mu moto wa ukari wa sanji yawo, charu chose chifyenge; ndipo amarizgenge ruŵiruŵi wose wo ŵaja mu charu.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Danyele 9:2

mu chirimika chakudanga cha muwusu wake, ine, Danyele, ndingusambira mu mabuku, unandi wa virimika vyo kwakulingana ndi mazu gha Ambuya kwaku Yeremiya mchimi, ghakuti, vitenere kurutapo virimika machumi ghankhonde ndi ghaŵi (70).

1 Samuele 12:25

Kweni asani mweche kurutiliya mu viheni, mukaparghang'ikanga mose, imwe ndi karonga winu.”

Yoswa 23:13

ziŵani kwa kuneneska kuti Ambuya Chiuta winu kuti wakalutiriyanga cha kudikiska mitundu iyi paurongo pinu; kweni wakaŵanga chikhwiriki ndi chiŵana kwaku imwe, likhwechu mu mbaghara zinu, ndi minga mu maso ghinu, mpaka po mwasisitika kutuwamo mu charu chamampha ichi cho Ambuya Chiuta winu wakupaskani imwe.

Marangu 31:20

Pakuti nditakuti ndaŵatole mu charu chakutaŵala mkaka ndi uchi cho ndingurapiya kuchipaska ku auskeu, ndipo pa ŵargha ndi ŵanguta ndi kututuŵa, ŵakang'anamukiyanga ku ŵachiuta ŵalendo, kuŵateŵete iwo ndi kuyuyuwa ine, ndi kuswa phanganu langu.

Yeremiya 7:6

asani mureka kuyuzga ŵalendo, ndi ŵana ŵa masiya ndi vyoko, pamwenga kudiska kuyuzga ŵalendo, ndi ŵana ŵa masiya ndi vyoko, pamwenga kudiska ndopa za ŵanthu zambura kalema mumalo yagha; ndipo asani mukarekanga kurondo ŵachiuta ŵanyake wo ŵangumunangani mwaŵeni,

Yeremiya 25:6

mungarondonga ŵachiuta ŵanyake kuŵatataliya ndi kuŵasopa, pamwenga kundisosomole ku ukari ndi nchitu za manja ghinu. Po ndipo kuti ndikuchitiyeninge uheni cha.’

Malaki 4:4

“Kumbukani dangu laku Mosese mteŵeti wangu, visambizgu ndi vyeruzgu vyo ndingumulanguliya pa Horebe kuti ŵa Yisraele wose ŵavwe.

Marangu 11:16

Chenjeni, vinu mtima winu unganyengeka, ndipo mungang'anamuka ndi kuteŵete ŵachiuta ŵanyake ndi kuŵasopa