Marangu 8:16 - Tonga Bible 1986

¹⁶ Mweniyo wangukukuhiŵani mbozwa ndi mana ghenigho auskemwe ŵengavi kughaziŵa, mwakuti wamuchepeskeni ndi wamweseni, kumuchitiyani umampha pa umari.

Marangu 8:16 Referans Kwoze

Marangu 8:3

Wangumuchepeskani kumutandalikani ndi nja, ndipo wangumuhiŵani ndi mana ghenigho kuti mungughaziŵa cha, chingana mbauskemwe ŵengavi kughaziŵa. Wanguchita viyo mwakuti wamuziŵiskeni kuti munthu waja ndi umoyo ndi chiŵande pe cha, kweni munthu wajaliya wamoyo ndi mazu ghose ghakutuwa mu mlomo wa Ambuya.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Chituwa 16:15

Penipo ŵaYisraele ŵati ŵakawona, ŵanguti yumoza kumunyake, “Nchine ichi?” Pakuti ŵengavi kuziŵa kuti chenga chine. Ndipo Mosese wanguti kwaku wo, “Nchiŵandi cho Ambuya akupaskani kurgha.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

Chiyambo 22:1

Pavuli pa vinthu ivi, Chiuta wangwesa Abrahamu, ndi wanguti kwaku iyo, “Abrahamu!” Ndipo iyo wanguti, “Nde pano.”

Chituwa 15:25

Ndipo wanguliriya ku Ambuya, ndipo Ambuya angumurongo muti, ndi wanguupong'a mu maji, ndipo maji ghangusanduka ghakunowa. Penipo Ambuya anguŵachitiya chakukombo ndi dangu ndipo penipo anguŵesa,

Chituwa 16:4

Ndipo Ambuya anguti kwaku Mosese, “Ehe, ine ndikang'iskanga chiŵande kutuliya kuchanya chaku imwe; ndipo ŵanthu ŵakarutanga kwachiyora vya zuŵa limoza, zuŵa ndi zuŵa, alinga ndiŵese, manyi ŵakendanga mu dangu langu, pamwenga awa.

Chituwa 16:31

Sono ŵaYisraele ŵanguvidana zina lake mana: vyenga nge ndi mbeu ya maŵe vituŵa, ndipo kawonekedu kake kenga nge ndi viŵandi vipepu vyakuŵikako uchi.

Marangu 8:2

Ndipo mukumbukenge nthowa yose yo Ambuya Chiuta wangumurongozgani virimika ivi machumi ghanayi (40) mu bozwa, ku muchepeskani ndi kumwesani; kuti waziŵe cho chenga mu mtima winu, vinu musungenge marangu pamwenga cha.

Marangu 13:3

mungategherezganga mazu gha nchimi yo cha, pamwenga wakulota maloto yo cha. Chifukwa Ambuya Chiuta winu watumwesani kuti waziŵe pamwenga mutuŵanja Ambuya Chiuta winu ndi mtima winu wose ndi umoyo winu wose.

2 Mikoka 32:31

Hezekiya wangusakata mu nchitu zake zose. Viyo ndi mathenga gha Wakaronga ŵaku Babiloni gho ghangutumika kwake kufumba chisimikizgu chiya chinguchitika pa charu, Chiuta wangumureka yija kuti wamwese, kuti waziŵe vyose vyamu mtima wake.

Sumu 119:68

Mwe amampha, ndi aulemu; ndisambizgeni vilangulu vinu!

Danyele 11:35

Ndipo ŵanyake ŵaku wo ŵazeru ŵakawanga, mwakuti ŵapepeteke ndi ŵaphotoleke, ndi ŵatuŵiskike kufika ku nyengo yaku umari, chifukwa yeche ŵaka nyengo yakutemeka.

Chituwa 20:20

Ndipo Mosese wanguti ku ŵanthu, “Mungopanga cha; pakuti Chiuta waziya kumwesani ndi so kuti mumopenge iyo, alinga mureke kulakwa.”

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Nthanthi 17:3

Mumphika wakusungapo ngwa siliva ndipo ng'anjo nja golide, ndipo Ambuya ŵatesa mitima.