Biblia Todo Logo
Bib sou entènèt

- Piblisite -




Marangu 8:15 - Tonga Bible 1986

15 Yo wangumurongozgani mu bozwa likuru ndi lakofya, lo lenga ndi njoka za moto ndi vipiriri, ndi malo ghayumu ghambura maji mweniyo wangumutuzgiyani maji mu jarawe la sangarawi.

Gade chapit la Kopi




Marangu 8:15
16 Referans Kwoze  

Ndipo Ambuya angutumizga njoka za moto mukati mu ŵanthu, zinguŵaruma ŵanthu mwakuti ŵanandi ŵangufwa.


Ndipo Mosese wangusoska janja lake wangupuma jarawi kaŵi ndi ndodo yake; ndipo ghangutuwa maji ghanandi, wumba ungumwa pamoza ndi viŵetu vyawo.


Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’


yo wang'anamuwa majarawi ghaŵe mathaŵali gha maji, ndi malijenkhwa-jenkhwa gha mya visima vya maji.


“Ndipo tingusoka pa Horebe ndi kuporota mu mobozwa ghakuru ndi ghakofya ghenigha munguwona mu nthowa ya mapiri gha Amori, nge ndimo Ambuya Chiuta widu wangutilanguliya, ndipo tinguza ku Kadeshebarnea.


Ndenga ine yo wangukuziŵani mu mapopa, mu charu cha chilala.


ndipo wose ŵangumwa chakumwa cha Mzimu wo. Chifukwa ŵamwanga ku Jarawe lamzimu lakuŵarondo: ndipo Jarawe lo lenga Kristu.


mchenga wakocha ukasandukanga thaŵali, ndi charu chiyumu chikaŵanga misisi ya maji; mwakuchezga ŵakambwe mukasandukanga viyaghayagha, uteka ukasandukanga matete ndi magumbwa.


wangurongozga khamu lake mu bozwa, chifukwa nchamuyaya chifundu chake.


Angujura jarawi, maji ghangupunguka, ghangwenda nge ndi msinji mu bozwa.


Wangumukwezga pa malo gha pachanya gha charu chapasi. Ndipo wangurgha vipasi vya mu munda. Wangumuliska uchi wakutuwa mujarawe, ndi mafuta ghakutuwa mu jarawe lakuŵalika.


Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.


Ehe, ndichita chinthu chifya; sono chifwatapuka, kuti mutichiteska cha? Ndikachitanga nthowa mu bozwa ndi misinji mu bozwa.


Swiv nou:

Piblisite


Piblisite