Marangu 7:7 - Tonga Bible 1986

⁷ Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.

Marangu 7:7 Referans Kwoze

Marangu 10:22

Auskemwe auguzikiya ku Egipiti, ŵanthu machumi ghankhonde ndi ghaŵi (70), ndipo sono Ambuya chiuta winu wakwandaniskani nge ndi nyenyezi za kuchanya.

ŴaRoma 11:6

Kweni asani sankhu lo nda wezi, kuti ndaku zinchitu so cha; ipu wezi wo kuti ndi wezi so cha.

1 Yohane 4:10

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

ŴaRoma 9:21

Pamwenga, kumbi muumbi walive mtufu pa dongu, kuchita ndi burunga lenilo pe chiyaŵi chimoza ku rumbu, ndi chiyaŵi chinyake ku myuyu?

Sumu 115:1

Kwaku ifwe cha, Ambuya, kwaku ifwe cha, kweni ku zina linu paskani unkhankhu, chifukwa cha chanju chinu chakufikapo ndi ukongorekwa winu!

ŴaRoma 9:18

Viyo na, mweniyo wakhumba wamchitiya lisungu, ndipo mweniyo wakhumba wangangamiska.

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Mateyu 7:14

Chifukwa ndalifyakafyaka likomo, ndipo njifinyi nthowa, yakurongozge ku umoyo, ndipo mbamanavi ŵakulibowozga.

Yesaya 51:2

Lereskani kwaku Abrahamu auskemwe ndi kwaku Sara yo wangumupapani; pakuti penipo wenga yumoza pe ndingumudana, ndingumutumbika ndi ndingumuchita kuŵa ŵanandi.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

Marangu 1:10

Ambuya Chiuta winu wakwandaniskani ndipo le mwe ŵanandi nge ndi nyenyezi zakuchanya.

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

1 Mikoka 16:19

Penipo kuti ŵenga ŵanandi cha, ŵakuyuyuka, ndi ŵalendo mwaku cho.

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Sumu 105:12

Ŵanthu ŵaku Chiuta ŵenga ŵakurengeka ŵaka, ndipo ŵenga ŵalendo mu charu.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Ezekiele 36:22

“Chifukwa cho kamba ku nyumba yaku Yisraele, Viyo atiti Ambuya Chiuta: kuti ndichita ichi pa chifukwa chaku imwe cha, mwa nyumba yaku Yisraele, kweni pa chifukwa cha zina langu lituŵa, lo imwe mwakazuzga mukati mu mitundu mo munguya.

Marangu 14:2

Pakuti imwe mwe ŵanthu ŵakupaturika ku Ambuya Chiuta winu, ndipo Ambuya amusankhani kuŵa ŵanthu ŵa chihara chawo, mu ŵanthu wose wo ŵemu charu.

Sumu 105:6

Mwa ŵamphapu yaku Abrahamu mteŵeti wawo, mwa wana waku Yakobe, mwa ŵakusankhika ŵawo! Mwa ŵana ŵaku Yakobe, mwa ŵakusankhika ŵawo!

Ezekiele 20:5

ŵanene kuti, Viyo atiti Ambuya Chiuta: Pa zuŵa lo ndingusankhiya Yisraele, ndingurapa ku mbeu ya nyumba yaku Yakobe, ndingujivumbuwa ine ndamwene kwaku iwo mu charu cha Egipiti, ndinguŵarapiya, kuti, Ndine Ambuya Chiuta winu.