Marangu 7:6 - Tonga Bible 1986

⁶ “Chifukwa imwe mwe ŵanthu ŵakupaturika kwa Ambuya Chiuta winu, Ambuya Chiuta winu wakusankhani kuti muŵe ŵake ŵapade, kutuwa ku ŵanthu wose wo ŵe pa charu.

Marangu 7:6 Referans Kwoze

Marangu 14:2

Pakuti imwe mwe ŵanthu ŵakupaturika ku Ambuya Chiuta winu, ndipo Ambuya amusankhani kuŵa ŵanthu ŵa chihara chawo, mu ŵanthu wose wo ŵemu charu.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Malaki 3:17

“Ŵakaŵanga ŵangu, atiti Ambuya ŵa maŵanja, usambasi wangu wa pade pa zuŵa lo ndichichita. Ndipo ndiŵachitiyenge lisungu nge ndimo munthu wachitiya ndi mwana wake yo watimteŵete.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Marangu 26:19

kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Yeremiya 2:3

Yisraele wenga wakupaturika ku Ambuya, vipasi vyakudanga vya vuna yake. Wose wo ŵangurghapo vyo ŵangwananga; uheni unguza paku iwo, atiti Ambuya.”

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Sumu 50:5

“Ndiunjikiyeni ŵamagomekezgeka ŵangu, wo ŵakupangana nane phanganu mu sembe!”

2 Petro 2:5

ndipo wengavi kulekerezga charu chapa mtendeku, kweni wangusungirizga Nowa yo wangumemeza urunji, pamoza ndi ŵanyake ŵankhonde ndi ŵaŵi, wachitole chazandi pa charu cha ŵambura kopa Chiuta;

Marangu 28:9

Ambuya akamikanga imwe kuŵa mtundu wakupaturika kwaku iwo ŵeneko, nge ndimo ŵarapiya imwe, asani musunga marangu gha Ambuya Chiuta winu ndi kwenda mu nthowa zake.

2 Petro 2:9

Mbuya waziŵa kutaska ŵakopa Chiuta me kesedu, ndi kuŵasungirizga ŵaheni wo ŵalindizgikiya zuŵa la cheruzgu,

Machitidu gha Ŵakutumika 13:17

Chiuta wa khamu lenili Yisraele, wangusankha auskefwe, ndi wangulitumphuska khamu lo mu chitandara cho chamu Egipiti, ndipo ndi janja lakutumphulika wanguŵatuzga mwenimo.

ŴaRoma 9:4

ŵeniwo mbaYisraele; kwaku ŵeniwo kwe ulezi wo, ndi unkhankhu wo, ndi marayizganu, ndi kapaskidu ka dangu, ndi uteŵeti waku Chiuta, ndi mapanganu;

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Marangu 14:21

“Mungarghanga cha kanthu kose ko kafwa kija. Mukapaske ku mlendo yo wemu mizi yinu, kuti warghe, pamwenga muguliske ku ŵalendo; pakuti imwe ndimwe ŵanthu ŵakupaturika ku Ambuya Chiuta winu. Mungabikanga mwana wa mbuzi mu mkaka wa nyina.

Marangu 26:18

Ndipo Ambuya ataula msana wale gha paku imwe kuti ndimwe ŵanthu ŵapa mtima wawo, uli ndimo akupanganirana namwe, ndi kuti mukasunganga marangu ghawo ghose,

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

1 ŴaKaronga 3:8

Ndipo muŵanda winu we mukati mu khamu linu lenilo mukusankha, khamu likuru ukongwa, la mbura maŵerengeka mu unandi.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Yesaya 41:9

iwe ndingukuto ku vigoti vya charu chapasi kukudana ku visongo vyake vya kunthazi limu, po ndinguti kwaku iwe, “Ndiwe muŵanda wangu, ndakusankha ndipo ndilivi kukutaya kuwa”;

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

ŴaLevi 20:24

Kweni kwaku imwe ndakamba kuti, ‘Mukaharanga charu chawo, ndipo ndikachipaskanga kwaku imwe kuŵa chinu, charu chakutaŵala mkaka ndi uchi.’ Ine ndine Ambuya Chiuta winu, yo wakupatuwaniko ku mitundu yinyake ya ŵanthu.

ŴaLevi 20:26

Imwe mukaŵanga ŵakupaturika kwangu; pakuti ine Mbuyamwe nde wakupaturika ndipo ndakupatuwaniko ku mitundu ya ŵanthu, alinga kuti muŵenge ŵangu.

Marangu 4:37

Ndipo chifukwa wangwanja auskemwe wangusankha mphapu yawo pavuli pawo, ndi kukutuzgani mu Egipiti ndi uŵapu wake ndi nthazi yake yikuru.

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.

Ezra 9:2

Chifukwa ŵato ŵanyake ŵa ŵana ŵanthukazi kuŵa ŵawoli ŵawo, ndi ŵawoli ŵa ŵana ŵawo ŵanthurumi: viyo mtundu wakupaturika watimbanizgika ndi ŵeneko ŵacharu, ndipo janja la ŵaraŵara ndi zinduna ndilo lakuwa mu kunanga uku.”

Sumu 114:2

ŵaYuda ŵanguŵa ŵanthu ŵakupaturika ŵa Ambuya, ŵaYisraele ŵangu ŵanthu ŵakusankhika ŵawo.

Sumu 135:4

Ambuya akujisankhiya Yakobe, ŵaYisraele kuŵa chihara chawo.

Yesaya 41:8

Kweni iwe, Yisraele, muŵanda wangu, Yakobe, yo ndatondo, mphapu yaku Abrahamu, bwezi langu;

Ezekiele 20:5

ŵanene kuti, Viyo atiti Ambuya Chiuta: Pa zuŵa lo ndingusankhiya Yisraele, ndingurapa ku mbeu ya nyumba yaku Yakobe, ndingujivumbuwa ine ndamwene kwaku iwo mu charu cha Egipiti, ndinguŵarapiya, kuti, Ndine Ambuya Chiuta winu.