Marangu 7:25 - Tonga Bible 1986

²⁵ Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

Marangu 7:25 Referans Kwoze

Chituwa 32:20

Ndipo wanguto thole lo la ng'ombe lenilo ŵanguchita, wangulocha ndi moto, ndi kulipera kuŵa fuvu, ndi wanguliwazga pa maji, ndi wangulimweska ŵaYisraele.

1 Mikoka 14:12

Ndipo ŵangusiya ŵaChiuta ŵawo penipa. Davidi wangulangula, ndipo ŵanguwocheka.

Marangu 17:1

“Kuti mukabayiyanga cha Ambuya Chiuta winu sembe ya ng'ombe pamwenga ya mberere yo ye ndi kalema, pamwenga kaheni ka mtundu we wose, chifukwa Ambuya Chiuta winu wakana ya viyo.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

Marangu 12:3

Mukabwanganduwe majochero ghawo gha sembe, kuwiska ndi kuswa mizati yawo ndi kocha ŵakavuŵa ndi moto. Mukadumuriye pasi vikozgu vyakusemeka vya ŵachiuta ŵawo, ndipo sisitani mazina ghawo, mu malo gho.

Yesaya 30:22

Sono mukakazuzganga ŵangoza ŵinu ŵakusema ŵakuzgangika ndi siliva ndi ŵangoza ŵinu ŵakwenguwa ŵakuzgangika ndi golide. Mukaŵaparghang'anga nge ndi vinthu vyaukazuzi, mukakambanga kwaku wo kuti, “Rutaninga!”

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Marangu 23:18

Mungasaskanga mureŵi cha, pamwenga mtengo wa garu mu nyumba ya Ambuya Chiuta winu kulipiya rapu le lose, pakuti viŵi viyo ivi mbukazuzi ku Ambuya Chiuta winu.

Marangu 7:5

Kweni mukachite nawo viyo, mukabwanganduwe majochero ghawo ndi kuphwatiya pasi mizati yawo, ndi kudumuliya pasi ŵakavuwa ŵawo ndi kocha ndi moto vikozgu vyawo vyakusemeka.

Chivumbuzi 17:5

ndipo pa maso pake zina lingulembeka kwaungari “Babiloni mukuru, nyinau wa ŵareŵi ndi wa maunyakazi gha panupasi.”

Zefaniya 1:3

“Ndimarenge munthu ndi chinyama; ndimarenge viyuni vya mude ndi somba zamu Nyanja. Ndiparghang'enge ŵaheni; nkhatuzgangamo ŵanthu wose mu charu,” atiti Ambuya.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Chituwa 8:26

Kweni Mosese wanguti, “Kuti nkhwakwenere cha kuchita viyo; kuti tipereke sembe ku Ambuya Chiuta widu, mpasku weniwo ku ŵaEgipiti mbukazuzi. Asani tipereka sembe yo pa maso gha ŵaEgipiti mbukazuzi, kuti ŵakatidinanga ndi mya cha?

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

Marangu 13:16

Mukawunjikanga vyakuskoŵa vyawo vyose pakatikati pa bwalo lawo, ndipo muwoche msumba ndi vyakuskoŵa vyake vyose ndi moto, nge ndi sembe yose yakocha ku Ambuya Chiuta winu. Msumba wo uŵenge ndundu muyaya, ndipo kuti ukazengekanga so cha.

2 ŴaKaronga 23:14

Wanguswa tumanatumana mizati, ndi kudumuliya pasi vikozgo, ndipo wanguzaza malo ghawo ndi viwanga vya ŵanthu.

ŴaLevi 13:52

Ndipo wawochenge chakuvwara cho nanga nthenda yingaŵa mu uzu wakumika pamwenga wakupinjika, cha weya pamwenga cha bafuta, pamwenga chose cho ncha chikopa, chifukwa ndi makhate ghakwambukiya, chocheke mu moto.

ŴaLevi 19:4

Mungang'anamukiyanga ku ŵangoza pamwenga kujisongonole ŵachiuta cha: Ndine Ambuya Chiuta winu.

Marangu 27:15

“ ‘Watembeke munthu yo wachita ngoza wakusongono, wo mbukazuzi ku Ambuya, chinthu chakuchitika ndi manja gha munthu mumisiri, ndipo watichimika ku ubende.’ Ndipo ŵanthu wose ŵakamukanga, ŵanenenge, ‘Ameni.’

Yesaya 41:24

Ehe, kuti mwe kanthu cha, ndi nchitu yinu nayo njawakawaka; waukazuzi ndi mweniyo wasankha imwe.