Marangu 7:16 - Tonga Bible 1986

¹⁶ Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Marangu 7:16 Referans Kwoze

Chituwa 23:33

Kuti ŵakajanga mu charu chinu cha, vinu ŵangamulakwiskani kwaku ine; pakuti asani mukatataliyanga ŵachiuta ŵawo kwakuneneska chikaŵanga chiŵana kwinu.”

Ŵeruzgi 8:27

Ndi vyenivyo Gideoni wangupanga raya la uzukuru wanguliŵika mu msumba wake mu Ofra; ndipo ŵaYisraele wose ŵanguchita uheni paku lo mwenimuwa, mwakuti lingusanduka chiŵana kwaku Gideoni ndi ku mbumba yake.

1 ŴaKorinte 15:33

Mungaranda cha: “Mabwezi ghaheni ghatananga majaridu ghamampha.”

Marangu 25:12

sono mukadumuwanga janja la munthukazi yo. Mungachitanga lisungu cha.

Marangu 19:21

Jiso linu kuti lingachitanga lisungu cha; chiŵenge umoyo ku umoyo, jiso ku jiso, jinu ku jinu, lundi ku lundi, janja ku janja.

Marangu 19:13

Jiso linu lingamufwiyanga lisungu cha, kweni mupeyenge kulakwa kwa ndopa zambura kalema mu Yisraele, alinga kuti kumuŵiyeni kwamampha imwe.

Marangu 13:8

mungamuzomerezganga pamwenga kumuvwiya cha. Chingana ndi jiso linu lingamufwiya lisungu cha. Pamwenga kumureka pamwenga kumubisa;

Sumu 106:36

Ŵanthu ŵaku Chiuta ŵangusopa ŵangoza, ndipo ichi chinguŵatore pharghaniko,

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Ŵeruzgi 3:6

ndipo ŵanguyitole ŵana ŵawo ŵanthukazi kuŵa ŵawoli, ndipo ŵana ŵawo ŵanthukazi ŵangupereka ku ŵana ŵawo ŵanthurumi; ndipo ŵangutataliya ŵachiuta ŵawo.

Ŵeruzgi 2:3

Viyo ndititi, kuti ndikaŵadikiskangamo cha paurongo pinu; kweni ŵakaŵanga ŵakupindikana ŵinu, ndipo ŵachiuta ŵawo ŵakaŵanga chiŵana kwaku imwe.”

Maŵerengedu 33:55

Kweni asani mureka kuŵadikiska ŵeni charu pa maso pinu, wo mukaŵazomerezganga kuja ŵakaŵanga nge ndi zimphandu mu maso ghinu nge ndi minga mu mbaghara zinu, ŵakamusuzganinga mu charu chomujamo.

Ŵeruzgi 2:12

Ŵangujowo Ambuya, Chiuta wa auskeu, yo wanguŵatuzga mu charu cha Egipiti, ŵangundondoloska ŵachiuta ŵanyake, ŵamu ŵachiuta ŵa ŵanthu wo ŵajanga kwakuŵazunguliya ndipo ŵanguŵalambiya wo; ndipo ŵangusosomole Ambuya ku ukari.

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

Yoswa 11:20

Pakuti yenga nchitu ya Ambuya kunonopeska mitima yawo kuti ŵazichirwanga ndi ŵaYisraele mu nkhondo, mwakuti ŵaparghanikiye limu tetete, kuti ŵaronde lisungu cha kweni kuti ŵadumulikiye limu, nge ndimo Ambuya angulanguliya Mosese.

Sumu 106:34

Kuti wangupasuwa mafuku gha ŵanthu cha, nge ndimo Ambuya anguŵalanguliya,

Marangu 13:9

kweni mumubaye. Janja linu ndilo lidankhe kumikana nayo kumubaya ndipo pavuli, manja gha ŵanthu wose.