Marangu 7:13 - Tonga Bible 1986

¹³ Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

Marangu 7:13 Referans Kwoze

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Jobu 42:12

Ambuya angutumbika mazuŵa ghakumariya ghaku Jobu kuruska mazuŵa ghake ghakwamba. Wenga ndi mberere vikwi chumi pachanya vinaye (14,000) ndi ŵagamila vikwi vinkhonde ndi chimoza (6,000) ndi ng'ombe za magoŵa chikwi chimoza (1,000) ndi mbunda zinthukazi chikwi chimoza (1,000).

Marangu 28:11

Ndipo Ambuya akamusambaskaninga ndi vipasi vya liŵavu linu, ndi vipasi vya ng'ombe zinu, ndi vipasi vya nyata yinu, mu charu cho Ambuya angurapiya ku auskemwe kumupaskani.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Marangu 7:7

Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.

Sumu 11:7

Chifukwa mbakurunjika Ambuya, atanja nchitu zakurunjika; ŵakunyoroka ndiwo ŵawonenge chisku chawo.

ŴaLevi 26:9

Ndikaphwerenga imwe pa kumupaskani mphapu ndi kumwandaniskani, ndipo ndikafiskanga phanganu langu ndi imwe.

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,

Marangu 30:5

Ndipo Ambuya Chiuta winu wakamutoliyaninga mu charu cho auskemwe ŵajangamo kuŵa chawo, alinga kuti mujengemo imwe kuŵa chinu, ndipo wakamusakatiskaninga ukongwa ndi kumwandaniskani kwakuruska auskemwe.

Sumu 127:3

Ehe, ŵana nchihara cha Ambuya, chipasi cha nthumbu ndi mphoto.

Sumu 146:8

Ambuya ajura maso gha ŵachiburumutiya. Ambuya asoska wose ŵakujiyuyuwa, atanja ŵakurunjika.

Nthanthi 15:9

Nthowa ya wamphulupulu mbukazuzi ku Ambuya, kweni ŵatanja mweniyo wandondoloska urunji.

Marangu 1:8

Wonani ndaŵika charu pa maso pinu; sereni, janimo, chiŵe chinu charu cho Chiuta wangupangana ndi auskemwe Abrahamu, Yisaki, ndi Yakobe kuŵapaska iwo ndi mphapu yawo pavuli pawo.’

Marangu 28:1

“Ndipo asani mukavwiyanga mazu gha Ambuya Chiuta winu, mwa kuphwere kuchita marangu ghose gho nditumulanguliyani msana unu, Ambuya Chiuta winu wakamusoskaninga kuŵa pachanya pa mitundu yose yamu charu chapasi.

Nehemiya 9:32

“Viyo na Chiuta widu, mukuru ndi wakulimba ndi Chiuta wakofya, mweniyo wasunga phanganu ndi chifundu chikuru, maunonono ghose ghangawonekanga uli ngamana cha kwinu gho ghatiziya ifwe; ghaziya ŵakaronga ŵidu ŵanangwa ŵidu, ŵazukuru ŵidu, ŵamchimi ŵidu, auskefwe, ndi ŵanthu ŵinu wose, kwamba nyengo ya ŵakaronga ŵa Asiriya kufika msana wale.

Jobu 1:10

Asi mukumuzingizga ndi lisitu, ndi nyumba yake ndi vyose vyo mwe navyo? Mwatumbika mlimu wa manja ghake ndipo viŵetu vyake vyandana mu charu.

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.