Marangu 7:1 - Tonga Bible 1986

¹ “Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Marangu 7:1 Referans Kwoze

Marangu 31:3

Ambuya Chiuta ndiyo wambukenge paurongo pinu, wakamaranga mitundu iyi paurongo pinu; viyo imwe mukaŵapokanga, ndipo Yoswa wakayambukanga paurongo pinu kumurongozgani uli ndimo Ambuya akukambiya.

Machitidu gha Ŵakutumika 13:19

Ndipo wanguti wapopeska mitundu yinkhonde ndi yiŵi mu charu cha Kanani, wanguŵapaska charu chaku wo nge nchihara, akhumba ku nyengo ya virimika machumi pe chumi ghanayi ndi machumi ghankhonde;

Marangu 4:38

Wangudikiska mitundu yikuru ndi yanthazi kwakuruska imwe panthazi pinu, kumuserezgani ndi kumupaskani charu kuŵa chihara, nge ndimo kulili kunu kule.

Marangu 20:1

“Muchiya ku nkhondo kwachimikana ndi ŵakupindikana ŵinu, ndi muchiwona ŵakavalo ndi magareta, ndi liŵanja la nkhondo likuru kwakuruska linu, mungaŵawopanga cha; pakuti Ambuya Chiuta winu we namwe pamoza, mweniyo wangukutoleni kuno kutuwa mu Egipiti.

Marangu 9:1

“Vwani ŵaYisraele, zuŵa lino mukambukanga Yordane kwa chisere ndi kwachironda mitundu yikuru ndi yanthazi kuruska imwe, msumba yikuru ndi malinga ghatali kufika kuchanya,

Marangu 9:4

“Mungakambanga mu mtima winu, pavuli pa Ambuya Chiuta winu waŵadikiska pa nthazi pinu, kuti, ‘Nchifukwa cha urunji wangu, lekani Ambuya andiserezga kwazironda charu ichi.’ Kweni nchifukwa cha kwananga kwa mitundu iyi lekani Ambuya akuŵadikiskiya kutali kutuwa pa nthazi pinu.

Chituwa 33:2

Ndipo ndikatumanga muthenga paurongo pinu, ndipo ndikadikiskangamo ŵaKanani, ŵaAmori, ŵaHiti, ŵaPerizi, ŵaHivi, ndi ŵaYebusi.

Sumu 78:55

Wangudikiska mitundu paurongo pawo, wanguŵagaŵiya chihara chawo ndi mweso, ndi kujarika mafuku ghaku Yisraele mu mahema ghawo.

Marangu 31:20

Pakuti nditakuti ndaŵatole mu charu chakutaŵala mkaka ndi uchi cho ndingurapiya kuchipaska ku auskeu, ndipo pa ŵargha ndi ŵanguta ndi kututuŵa, ŵakang'anamukiyanga ku ŵachiuta ŵalendo, kuŵateŵete iwo ndi kuyuyuwa ine, ndi kuswa phanganu langu.

Marangu 11:29

Ndipo Ambuya Chiuta winu wamutoriyani ku charu chenicho mwamuseremo kwachironda, mukaŵike thumbiko pa phiri la Gerizimu, ndi thembo pa phiri la Ebala.

Marangu 6:23

Ndipo angutituzga kwenikuwa, kuti atitore kunu ndi kuti atipaske charu cho angurapiya auskefwe.

Marangu 6:19

pakutuzgamo ŵamowongo ŵinu wose kutuwa pa maso pinu, nge ndimo Chiuta wangupanganirana.

Marangu 6:10

“Ndipo Ambuya Chiuta winu wamuserezgani mu charu, cho wangurapiya auskemwe Abrahamu, Yisaki ndi Yakobe, kumpaskani, ndi misumba yake yikuru ndi yamampha yeniyo mulivi kuyizenga,

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Maŵerengedu 14:31

Kweni malitema ghinu gho mwatinge ghakaŵanga miskowo, yigho ndikaghaserezganga, ndipo ghakachiziŵanga charu cho imwe mwayuyuwa.

Chituwa 15:7

Mu ukuru wakutumbwa kwinu kwa ukaronga muphwanya ŵakupindikana ŵinu, mutuma ukari winu, utuŵargha uli ndi mbuwa.

Chituwa 6:8

Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Chituwa 23:28

Ndipo ndikatumanga masanganavu kuurongo kwinu gho ghamudikiska muHivi, muKanani, muHiti, kutuwapo paurongo pinu.

Chituwa 23:33

Kuti ŵakajanga mu charu chinu cha, vinu ŵangamulakwiskani kwaku ine; pakuti asani mukatataliyanga ŵachiuta ŵawo kwakuneneska chikaŵanga chiŵana kwinu.”

ŴaLevi 14:34

“Po mwamufika mu charu cha Kanani cho ndakupaskani kuŵa chinu, ndipo ine ndiŵika nthenda ya makhate mu nyumba mu charu cho nchinu,

Marangu 20:16

Kweni mu misumba ya ŵanthu yaŵa yeniyo Ambuya Chiuta watumupaskani kuŵa chihara. Mungapozomoskanga cha chamoyo che chose chenicho nchakututa,

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

Yoswa 11:3

ku ŵaKanani ku vuma ndi ku zambwe, Amori, ŵaHiti, ŵaPerese, ndi ŵaYebusi mu charu cha mitunthu ndi ŵaHivi ŵa pasi paku Hermoni mu charu cha Mizpa.

Yoswa 24:11

Ndipo mungwambuka Yordane munguza ku Yeriko, ŵanthu ŵaku Yeriko ŵangurwana namwe, ndi Amori nawo, ŵaPereze, ŵaKanani, ŵaHiti, ŵaGirgashi, ŵaHivi ndi ŵaYebusi; wose yaŵa ndinguŵapereka mu janja linu.

1 ŴaKaronga 16:31

Ndipo kanguŵa nge nkhanthu kayuyu kwaku iyo kwenda mu mphurupuru zaku Yeroboamu mwana waku Nebati wangujitole kuŵa muwoli Yezebelu mwana waku Etbala karonga wa ŵaSidoni, ndipo, wanguteŵete Bala, ndi kumsopa.

Nehemiya 13:23

Mu mazuŵa ghenigho so ndinguwona ŵaYuda ŵeniwo ŵanguto ŵanthukazi ŵaku Ashidodi, Amoni, ndi Moabu,

Chituwa 23:32

Mukachitanga nawo phanganu cha, pamwenga ndi ŵachiuta ŵawo nawo cha.

Maŵerengedu 13:29

Ŵina Amaleke ŵaja mu charu chaku mwela; ŵaHiti, ŵaYebusi ndi ŵaAmoni ŵaja mu charu cha mapiri; ŵaKanani ŵaja ku nyanja, ndi mumphepete mwa Yordane.”

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

1 Mikoka 1:14

ndi ŵaYebusi, ŵaAmori, ŵaGirgashi,

2 Mikoka 8:7

Ŵanthu wose wo ŵangusiyika ndi ŵaHiti, ndi Amori, ndi ŵaPerezi, ndi ŵaHivi, ndi ŵaYebusi wo kuti ŵenga ŵaYisraele cha,

Ezra 9:1

Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.