Marangu 6:7 - Tonga Bible 1986

⁷ Maghasambizgenge ku ŵana ŵinu kwalwana; ndipo mughakambenge muchija mu nyumba zinu, ndi penipo mutenda mu nthowa, ndi penipo mugona pasi, ndi penipo muyuka.

Marangu 6:7 Referans Kwoze

Marangu 11:19

Muŵasambizge ŵana ŵinu, mu kukamba mazu gho po mwaja mu nyumba ndipo mutenda pa nthowa, po mugona pasi ndi po muyuka.

ŴaEfeso 6:4

Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.

1 Petro 3:15

Kweni patuwani Kristu uli ndi Mbuya mu mitima yinu: pakurongosoleke nyengo zose kumwamuka yose wakumfumbani chifukwa cha chigomezgu chamwinu, kweni ndi upovu ndi wofi;

Marangu 6:2

Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

ŴaEfeso 4:29

Mazu ghawiyu ghangatuwanga kose mu mlomo winu cha, kweni ghenigho ngamampha kwachizenge kwakuyana ndi usauchi, kuti ghapaske wezi ku ŵakuvwa.

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

Nthanthi 6:22

Uchenda, vikakurongozganga; uchigona pasi, vikakuvikiliyanga; ndipo asani wayuka vikarongoronga nawe.

Luka 6:45

Munthu wamampha mu mbiku yamampha ya mtima wake watomu cho nchamampha; ndi mheni nayo mu uheni watomu cho nchiheni: pakuti vyakutuwa mu ufurwi wamu mtima, mlomo wake urongoro.

Mateyu 12:35

Munthu wamampha kutuliya ku mbiku yake yamampha watuzga vyamampha: ndipo munthu muheni kutuliya ku mbiku yake yiheni watuzga viheni.

ŴaKolose 4:6

Mazu ghinu ghaŵe ghawezi nyengo zose, ghakunoweskeka ndi mche, kuti muziŵe mo kutenere imwe kumwamukiya munthu yose, yumoza ndi yumoza.

Nthanthi 15:7

Milomo ya wazeru yiwandiska chinjeru, ku miwongo ya wakupusa kuti kwe viyo cha.

Nthanthi 10:21

Milomo ya ŵakurunjika yihiŵa ŵanandi, kweni ŵakupusa ŵafwiya kuwura chinjeru.

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Nthanthi 15:2

Lilime la wazeru lirunguchizga chinjeru, kweni milomo ya ŵakupusa yidira kupusa.

Sumu 129:8

Palivi nanga njumoza wakujumphapo yo wakambenge kuti, “Ambuya, akutumbikeni! Tikutumbikani mu zina la Ambuya!”

Sumu 119:46

Malangulu ghinu ndikambenge ku ŵakaronga, ndipo kuti ndiŵenge wasoni cha.

Ruti 4:11

Sono ŵanthu wose wo ŵenga pa likomo, ndi ŵara ŵanguti, “Te ŵakaboni. Mphanyi Ambuya amuchita munthukazi uyu wakazanga mu nyumba yako kuŵa uli ndi Rakelo ndi Leya, ŵeniwo pamoza ŵanguzenga nyumba yaku Yisraele. Mphanyi mwasakata mu Efrata ndi kuŵa ŵalumbiri mu Betelehemu;

Sumu 37:30

Mlomo wa wakurunjika ukamba zeru, lilime lake likamba cheruzgu.

Ruti 2:12

Ambuya akulipiyapo paku vyo ukuchita, ndipo lipila lakuzaza lipaskike kwako ndi Ambuya, Chiuta waku Yisraele mweniyo iwe waza kuzachibisama ku mapapa ghake!”

Ruti 2:4

Ndipo Boazi wanguza kutuliya ku Betelehemu; ndi wanguti ku ŵakuvuna, “Ambuya aŵe namwe”; ndipo iwo ŵangwamuka kuti, “Ambuya akutumbike.”

Sumu 71:17

A Chiuta, mwandisambizga kutuwa ku wana-mana wangu, ndipo mpaka sono ndeche kutaula nchitu zinu zakuziziswa.

Yesaya 38:19

Wamoyo, wamoyo, ndiyo wawonga imwe uli ndimo ndichitiya ine msana wale; wiske waziŵiska ku ŵana uneneska winu.

Jobu 8:10

Kumbi kuti ŵakusambizgenge cha ndi kukukonkhome, ndi kukamba mazu ghakutuwa ku vinjeru vyawo?

Sumu 119:13

Ndiwerezgengepo so kukamba, marangu ghose gho mwandipaska.