Marangu 6:6 - Tonga Bible 1986

⁶ Mazu yagha ndikulanguliyani zuŵa ili ghaje me mitima yinu.

Marangu 6:6 Referans Kwoze

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

Yeremiya 31:33

Kweni ili ndi phanganu lo ndikachitanga ndi nyumba yaku Yisraele pavuli pa mazuŵa gho, atiti Ambuya: Ndikaŵikanga dangu mukati mwawo, ndipo ndikalilembanga pa mitima yawo; ndipo ine ndikaŵanga Chiuta wawo, ndipo iwo ŵakaŵanga ŵanthu ŵangu.

Nthanthi 7:3

Uvimangiriyi pa minwi yako, uvilembe pa gome la mtima wako.

Marangu 11:18

“Viyo mughasunge mazu ghangu yagha mu maghanoghano ghinu ndi mu mtima winu, mughamangiriye pa janja nge nchisimikizgu ndipo ghakaŵanga nge nchifuku cha chiremba pa maso ghinu.

Sumu 37:31

Dangu laku Chiuta wake le mu mtima wake, michapu yake kuti yiteremuka cha.

2 ŴaKorinte 3:3

pakurongoleka kuti mwe kalata waku Kristu, wakuperekeka ndi ifwe, wakulembeka ndi inke cha, kweni pa vipadwa vya mitima ya ŵanthu.

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Yesaya 51:7

“Tegherezgani kwangu imwe muziŵa urunji, ŵanthu wo dangu langu le mu mtima wawo; rekani kopa kunyoza kwa ŵanthu mungatenthemanga pa kutuka kwawo cha.

Luka 8:15

Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Nthanthi 3:5

Gomekezga mu Ambuya ndi mtima wako wose, ndipo reka kugomezga pa chinjeru chaku wamweni.

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.

Sumu 119:98

Langulu linu litindipaska zeru kwakuruska ŵarwani ŵangu wose.

Sumu 40:8

Ndikondwere kuchita khumbo linu, A Chiuta wangu; dangu linu le mukati mu mtima wangu.”

2 Yohane 1:2

chifukwa cha uneneska wo ujariya mwidu, ndipo ukaŵanga nafwe muyaya.

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

2 Samuele 22:23

Pakuti vyeruzgu vyake vyose vyenga paurongo pangu, ndipo ku vilangulu vyake kuti ndingupatukako cha.

Marangu 11:20

Ndipo mugharembenge pa mphanjizgu za nyumba zinu ndi pa malikomo ghinu,

Sumu 119:13

Ndiwerezgengepo so kukamba, marangu ghose gho mwandipaska.

Sumu 119:30

Ndasankha nthowa ya ukongorekwa; malangulu ghinu ndaŵika paurongo pangu.