Marangu 6:4 - Tonga Bible 1986

⁴ “Vwani Yisraele, Ambuya Chiuta winu, ndi Chiuta yumoza,

Marangu 6:4 Referans Kwoze

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

1 Timote 2:5

Chifukwa kwe Chiuta, ndi mwendapakati yumoza, pakati paku Chiuta ndi ŵanthu, Munthu Kristu Yesu.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 10:30

Ine ndi Ada te ŵamoza.”

Yesaya 44:8

Mungopanga cha, chingana nkhufipa mtima; kumbi ndilivi kumuneniyani kutuwa ku vya mwaka ndi kuvitaula? Imwe mwe ŵakaboni ŵangu! Kumbi pe chiuta munyake pade paku ine? Palivi Jarawe, ine ndindaliziŵe nanga ndimoza.”

Yesaya 42:8

Ndine Ambuya, lo ndilo zina langu; unkhankhu wangu kuti ndipaska ku munyake cha, pamwenga chisopo changu ku ŵangoza ŵakusongono.

1 Mikoka 29:10

Viyo Davidi wangutumbika Ambuya paurongo pa wumba wose, wanguti: “Mwakutumbikika ndimwe, Ambuya, Chiuta waku Yisraele auskefwe, muyaya ndi muyaya.

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Marangu 5:6

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.

2 ŴaKaronga 19:5

Penipo ŵateŵeti ŵa karonga Hezekiya ŵanguza kwaku Yesaya,

Mateyu 22:37

Ndipo wangumnene, “Ukamwanjanga Mbuya Chiuta wako ndi mtima wako wose, ndi ndi mzimu wako wose, ndi ndi chinjeru chako chose.

Luka 10:27

Ndipo wangwamuka wanguti, “Wanjenge Mbuya Chiuta wako ndi mtima wako wose, ndipo ndi mzimu wako wose, ndipo ndi nthazi yako yose, ndipo ndi chinjeru chako chose; ndi mwanasi wako uli ndiwe wamweni.”

ŴaRoma 3:30

asani njumoza Chiuta, mweniyo wamrunjiskiya mchinju ku chivwanu, ndi uwura-mchinju ndi chivwanu cho.

ŴaEfeso 4:6

Chiuta yumoza ndi Wiskeu waku wose, mweniyo wawusa pachanya paku wose, ndi wachitiya mwaku wose, ndi waja mukati mwaku wose.

Yakobe 2:19

Iwe uvwana kuti walipo Chiuta Yumoza; uchita umampha: wademone wavwana, ndipo wambwambwanthiya.

Marangu 4:39

Viyo ziŵani zuŵa lino ndi kughanaghana mu mitima yinu, kuti Ambuya ndiwo Chiuta mu machanya ndimu charu chapasi, kulivi munyake.

2 Mikoka 17:9

Ndipo ŵangusambizga kwaku Yuda, ŵenga ndi buku la marangu gha Ambuya, ŵangwendendeka mu misumba yose yaku Yuda kusambizga ŵanthu.

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.

Sumu 78:5

Angupereka malangulu ku ŵanthu ŵaku Yisraele, ndi marangu ku mphapu yaku Yakobe. Angupereka virunguchizgu ku auskefwe kusambizga malangulu ghawo ku ŵana ŵawo,

Sumu 86:10

Ndimwe pe wakuchita vya minthondwi, chifukwa ndimwe mwija, Chiuta wa mazaza.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.