Marangu 6:3 - Tonga Bible 1986

³ Sono imwe ŵaYisraele vwani marangu ndi ghaphwereni pakughachita, kuti kumuŵiyeni kwamampha, ndi kuti mwandani ukongwa mu charu chakutawara mkaka ndi uche nge ndimo Ambuya Chiuta wa auskemwe wangupanganirana namwe.

Marangu 6:3 Referans Kwoze

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 15:5

Ndipo wangumutuzgiya kubwalo ndi wanguti, “Lereska kuchanya, ndi uŵerenge nyenyezi zo, asani ungaziŵa kuziŵerenga.” Sono wanguti kwaku iyo, “Viyo ndimu yikaŵiyanga mphapu yako.”

Machitidu gha Ŵakutumika 7:17

“Kweni pa kuŵandika kwa nyengo yo ya phanganu lo Chiuta wangupangana ndi Abrahamu, khamu lo lingukuwa ndi langwandana mu Egipiti,

Yesaya 3:10

Unene ŵarunji kuti kukaŵanga umampha kwaku iwo, pakuti ŵakarghanga vipasi vya nchitu zawo.

Wakutaula 8:12

Nanga mulakwi wachita uheni unandi limu ndi kuŵa ndi umoyo utali, ndipuuli ndiziŵa kuti ŵakopa Chiuta kukaŵaŵiyanga umampha, chifukwa ŵatopa pa maso pake;

Marangu 4:6

Mughasunge ndi kughachita, pakuti ivi ndi zeru zinu ndikuziŵiska kwinu panthazi pa mitundu. Po Yivwenge visambizgo vyose ivi, yamukuti, ‘Nadi ŵanthu ŵa mtundu ukuru uwu mbazeru ndi ŵakuwamo.’

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chiyambo 13:16

Mphapu zako ndikazichitanga uli ndi fuvu la charu; viyo asani wangaŵapo munthu yo wangaziŵa kuŵerenga fuvu la charu, iku mphapu yako nayo yikaŵerengekanga.

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 42:6

Manyi ngamampha pamwenga ghaheni, tikavwiyanga mazu gha Ambuya Chiuta widu kwaku mweniyo titukutumako iwe, alinga kuti kutiŵiyenge umampha ifwe tichivwiya mazu gha Ambuya Chiuta widu.”

Chituwa 3:6

Ndipo wanguti, “Ndine Chiuta wa ausu, Chiuta waku Abrahamu, Chiuta waku Yisaki, ndi Chiuta waku Yakobe.” Ndipo Mosese wangubisa chisku chake, pakuti wanguthenthema kulereska paku Chiuta.

Marangu 8:8

Charu cha trigu ndi barile, cha mphereska ndi miti ya mkuyu, ndi ŵazobala, charu cha miti ya maolive, ndi uchi.

Marangu 11:9

ndi kuti mazuŵa ghinu ghakaŵe ghanandi mu charu cho Ambuya Chiuta winu wangurapa ku auskemwe kuŵapaska iwo ndi mphapu yawo, charu chakutaŵala mkaka ndi uchi.

Marangu 26:9

Ŵangutitole mu malo yagha ndi ŵangutipaska charu ichi, charu chakutaŵala mkaka ndi uchi.

Marangu 26:15

Lereskani pasi kuturiya ko muja kwakupaturika, kuturiya kuchanya, ndi tumbikani ŵanthu ŵinu ŵaYisraele ndi munda wo mwatipaska, uli ndimo mungulumbiriya ku auskefwe, charu chakutaŵala mkaka ndi uchi.’

Marangu 27:3

Ndipo mwamulembapo paku yo mazu ghose gha dangu lo, muchambuka pakusere charu cho Ambuya Chiuta winu watukupaskani, charu cho chakutaŵala mkaka ndi uchi, uli ndimo Ambuya Chiuta wa auskemwe wakupangirana namwe.

Marangu 31:20

Pakuti nditakuti ndaŵatole mu charu chakutaŵala mkaka ndi uchi cho ndingurapiya kuchipaska ku auskeu, ndipo pa ŵargha ndi ŵanguta ndi kututuŵa, ŵakang'anamukiyanga ku ŵachiuta ŵalendo, kuŵateŵete iwo ndi kuyuyuwa ine, ndi kuswa phanganu langu.

Sumu 119:4

Imwe mwatipaska marangu ghinu kuti tighavwiye ndi chivwanu.