Marangu 6:13 - Tonga Bible 1986

¹³ Muŵawope Ambuya Chiuta winu, ndi kuŵateŵete, ndi kurapa ndi zina lawo.

Marangu 6:13 Referans Kwoze

Luka 4:8

Ndipo wakwamuka Yesu wanguti kwaku iyo, “Kwalembeka, ‘Ulambiyenge Mbuya Chiuta wako, ndipo iyo pe yija umsopenge.’ ”

Mateyu 4:10

Sono Yesu watiti kwaku iyo, “Tuwapo, Satana: chifukwa kwalembeka, ‘Mbuya Chiuta wako umlambiyenge, ndipo iyo pe umtataliyenge.’ ”

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

Marangu 13:4

Mulondonge Ambuya Chiuta winu, ndi kumopa, ndi kusunga marangu ghake, ndi kuvwiya mazu ghake, ndipo mukamuteŵetiyanga ndi kubatikana nayo.

ŴaLevi 19:12

Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

Yeremiya 12:16

Ndipo kukaŵanga kuti asani ŵakasambiranga ndi phamphu nthowa za ŵanthu ŵangu, kurapiya ndi zina langu, ‘Achiŵa amoyo Ambuya,’ uli ndimo ŵangusambizgiya ŵanthu ŵangu kurapa paku Bala, po ndipo wakazengekanga mukati mu ŵanthu ŵangu.

Yesaya 65:16

Viyo kuti yo watijitumbika mu charu wakajitumbikanga mwaku Chiuta wa uneneska, ndipo yo wachita rapu mu charu wakarapiyanga mwaku Chiuta wa uneneska; chifukwa masuzgu ghakudanga gharuwika ghabisika kwangu ku maso.

Yesaya 45:23

Ndijirapiska ndamweni ndija mazu ghakutuwa mu mlomo wangu mburunji kuti ghakawengako cha: ‘Kwaku ine gongono lose likajikambanga; lilime lose likarapanga.’

Sumu 63:11

Kweni karonga wakondwenge mwaku Chiuta; wose ŵakurapiya paku iyo ŵangarenge; chifukwa milomo ya ŵatesi yikajarikanga.

Marangu 10:12

“Ndipo sono ŵaYisraele mwe, cho Ambuya Chiuta winu wakhumba kwaku imwe nkhopa Ambuya Chiuta winu kwenda mu nthowa zake zose, kumwanja, kuteŵete Ambuya Chiuta winu ndi mtima winu wose, ndi umoyo winu wose,

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Yoswa 2:12

Iku sono, mundirapiye ku Ambuya kuti nge ndimo ndamuchitiyani wezi, namwe so muchitiye wezi nyumba ya ada, mundipaske chisimikizgu cha uneneska,

Sumu 15:4

mweniyo ngwakuyeyeka mu maso ghake ndingwakuyuyulika, kweni watumbika wo ŵatopa Ambuya; wakujirapiya ku kusuzgika kweni kuti wasintha cha;

Marangu 6:2

Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

Marangu 5:29

Mtima wa viyo wenga mwaku iyo mazuŵa ghose kundopa ndi kusunga marangu ghangu ghose, mwakuti kuŵaŵiye kwamampha iwo ndi ŵana ŵawo muyaya!

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.

Mateyu 5:33

“Ndipo so mwavwa kuti kunguneneka ku ŵanthu ŵamwaka, ‘Ungarapa kwautesi cha, kweni uperekenge ku Ambuya marapu ghako.’

Chituwa 20:7

“Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.

Marangu 5:11

“ ‘Ungazumbuwanga waka zina la Ambuya Chiuta wako, chifukwa Chiuta wampimenge wambura kalema cha, yo wazumbuwa waka zina lake.

Yoswa 23:7

kuti mureke kusazgikana ndi mitundu iyi yasiyika mukati mwinu, pamwenga kuzumbuwa mazina gha ŵachiuta ŵawo nanga nkhurapiya mwaku wo, pamwenga kuŵatataliya, nanga nkhu ŵajikamiya,

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

1 Samuele 20:3

Davidi wangwamuka wanguti, “Ausu ŵaziŵa umamphavi kuti, wareke Jonafani kuchiziŵa ichi, vinu wangaŵa ndi chitima! Kweni kwakuneneska, ndarapa Ambuya amoyo! Ndarapa umoyo wako, paja nthangara yimoza pe, pakati paku ine ndi nyifwa.”

2 ŴaKaronga 17:36

kweni mopenge Ambuya wo angumutuzgani mu charu cha Egipiti nthazi yikuru ndi ndijanja lakutambaruwa, mukalambiyanga iwo, ndipo kwaku iwo mukaperekanga sembe.

Yesaya 48:1

Ivwa ichi, wa nyumba yaku Yakobe we, imwe mudanika ndi zina laku Yisraele, ndi imwe mungutuwa mu viunu vyake Yuda, imwe murapa pa zina la Ambuya, ndi kuzomera Chiuta waku Yisraele, kweni mu uneneska pamwenga kwakurunjika cha.

Chiyambo 24:3

ndipo ndikakurapiskanga mu Ambuya, Chiuta wa kuchanya ndi wa charu chapasi, kuti ukamutoliyanga munthukazi mwana wangu mu ŵana ŵanthukazi ŵa ŵaKanani cha, ŵeniwo ine ndija mukati mwawo,

Marangu 13:5

Kweni nchimi yiya pamwenga wakulota maloto yuwa wabayike chifukwa wakusambizgini kuti mugaruke ku Ambuya Chiuta winu, yo wamu tuzgani mu charu cha Egipiti ndi kumuwomboni ndi kumtuzgani mu nyumba ya uŵanda; ndichifukwa chakuti wamupatuskani kutuwa mu nthowa yeniyo Ambuya Chiuta winu wakumulanguliyani kwendamo. Viyo mutuzgengemo uheni mukati mwinu.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.