Marangu 6:11 - Tonga Bible 1986

¹¹ ndi zinyumba zakuzaza ndi vyamampha kuti munguzazamo imwe cha, ndi visima vyakukumbika kale, vyo kuti mukukumba imwe cha, ndi minda ya mphereska ndi miti ya olivi, yeniyo kuti mungupanda cha, ndipo penipo mwamukurgha ndi kuguta,

Marangu 6:11 Referans Kwoze

Marangu 32:15

“Kweni ŵanthu ŵaku Jeshuruni ŵangututuŵa ukongwa ndi ŵangusakata, ŵangututuŵa ukongwa, ŵangukuwa kuŵa ŵakhome, ŵangute fwatefwa. Ndipo ŵangusiya Chiuta yo wanguŵalenga, ndi ŵangutafula pa jarawe la utaski wawo.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Marangu 11:15

Ndipo wakamezganga uteka mu minda yinu kuti ng'ombe zinu zirghe ndipo imwe mukarghanga ndi kuguta.

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Marangu 19:1

“Penipo Ambuya Chiuta winu wamumara mitundu yeniyo, charu chawo Ambuya Chiuta winu wampaska imwe, ndipo imwe mwakuŵakwamphuwa ndi mwamuja mu misumba yawo ndi mu nyumba zawo,

Yoswa 24:13

Ndingukupaskani charu chenicho imwe mwengavi kutataliyapo, ndi misumba yeniyo kuti munguzenga imwe cha, ndipo muja mwenimo, muturgha vipasi vya minda ya mphereska ndi ya maolive yo kuti mungupanda imwe cha.’

Nehemiya 9:25

Ndipo ŵanguronda misumba yamalinga ndi charu chanyata yikuru ndi ŵanguhara zinyumba zakuzaza ndi vinthu vyose vyamampha, visima vya maji vyakukumbika, minda ya mphereska miti ya olive, ndi miti ya vipasi vyakuzala; viyo ŵangurgha, ndi ŵanguguta ndi ŵangututuŵa, ndipo ŵangukondwere mu umampha winu weni ukuru.

Sumu 105:44

Anguŵapaska vyaru vya ŵalendo, anguŵazomerezga kuto minda yawo,