Marangu 5:21 - Tonga Bible 1986

²¹ “ ‘Ungaŵiniwa muwoli wamunyako, ungaŵiniwa nyumba ya munyako, munda wake, chingana ngwanchitu wake munthurumi, chingana ngwachitu wake munthukazi, ng'ombe yake, chingana ndi mbunda yake, chingana nkhanthu kose kamunyako.’

Marangu 5:21 Referans Kwoze

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

ŴaRoma 13:9

Yagha ndigho marangu, “Ungareŵa, engabaya, ungaba, ungakhumbira,” ndipo asani kwe dangu linyake, likurulika mu mazu yagha ghakuti, “Wanjenge munyako uli ndi wamweni.”

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Habakuku 2:9

Soka kwaku yo wanduwiya mbumba yake chanduwo chiheni, mwakuti wazenge nyumba yake pachanya, kuti wataskike ku urwani!

Mika 2:2

Ŵakhumbira minda, ŵayironda; ndi nyumba ŵazironda; ŵasuzga munthurumi ndi mbumba yake; munthurumi ndi chihara chake.

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

2 Samuele 11:2

Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.

Jobu 31:9

“Asani mtima wangu warandizgikiya ku munthukazi, ndipo ndagona pa khomo la mzengezgani wangu;

Nthanthi 6:25

Unganwekanga kutowa kwake mu mtima wako, ndipo wangakusompho ndi nkhope zake cha;