Marangu 5:1 - Tonga Bible 1986

¹ Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Marangu 5:1 Referans Kwoze

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Mateyu 23:3

viyo vyenivyo vyose ŵangakuneniyani, chitani ndi phwereni: kweni nchitu zawo mungachitanga cha; chifukwa ŵakamba, kweni kuti ŵachita cha.

Marangu 29:10

“Mose mutuma paurongo pa Ambuya Chiuta winu msana wale, mitu ya makhamu ghinu, ŵara ŵinu, ndi ŵamazaza ŵinu ndi ŵaYisraele wose,

Marangu 29:2

Ndipo Mosese wangudana ŵaYisraele wose ndi wanguti kwaku wo: “Mwawona vyose vyo Ambuya anguchita paurongo pinu mu charu cha Egipiti kwaku Farao ndi kuŵateŵeti ŵake wose, ndi ku charu chake chose.

Marangu 1:1

Yagha ndi mazu gho Mosese wangukamba ndi Yisraele yose sirgha liya Yordane mu bozwa, mu chidika chakurazgana ndi Sufu pakati pa Parana, Tofele, Labana, Hazaroto, ndi Dizahaba.

Chituwa 18:20

ndipo ukaŵasambizganga malamulu ndi vyeruzgu, ndi kuŵaziŵiska nthowa yo ŵatenere kwendamo ndi vyo ŵatenere kuchita.

Marangu 4:49

pamoza ndi Araba yose ku Yordane ku vuma, kwachifika ndi ku nyanja ya Araba musina mu Pisiga.

Marangu 5:2

Ambuyafwe Chiuta widu wanguchita phanganu ndi ifwe mu Horebe.

Sumu 78:7

Mu chifukwa ichi iwo nawo ŵakaŵikanga chigomekezgu chawo mwaku Chiuta, nyengo zose kuvwiya marangu ghake.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Marangu 6:17

Musunge kwalwana marangu ghose gha Ambuya Chiuta winu, ndi visimikizgu vyake, ndi visambizgu vyake vyo wangumulanguliyani.

Marangu 11:1

“Viyo mwanjenge Ambuya Chiuta winu ndi kusunga malamulu ghake, visambizgu vyake, vyeruzgu vyake, ndi marangu ghake mazuŵa ghose.

Marangu 12:1

“Ivi ndi visambizgu ndi vyeruzgu vyenivyo mutenere kuphwere kuvichita mu charu chenicho Ambuya, Chiuta wa auskemwe, wakumupaskani kuti chiŵe chinu, mazuŵa ghose gha umoyo winu panu pasi.

Marangu 17:19

Ndipo wakalisunganga ndi wakaŵerenganga mwaku lo mazuŵa ghose gha umoyo wake, alinga kuti wasambilenge kopa Ambuya Chiuta wake, pakusunga mazu ghose gha dangu ili ndi malangulu yagha, ndi kughachita.

Marangu 28:15

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.

Yoswa 1:8

Buku ili la marangu lireke kutuwa mu mlomo wako, kweni ughanaghanenge nagho msana ndi usiku, alinga kuti uŵenge wakughaphwere kuchita chose chakulembeka mwaku lo, mwaku ichi ukasakatanga ndipo kukaŵanga ndi usakati wamampha.