Marangu 4:9 - Tonga Bible 1986

⁹ “Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Marangu 4:9 Referans Kwoze

Marangu 6:7

Maghasambizgenge ku ŵana ŵinu kwalwana; ndipo mughakambenge muchija mu nyumba zinu, ndi penipo mutenda mu nthowa, ndi penipo mugona pasi, ndi penipo muyuka.

Marangu 11:19

Muŵasambizge ŵana ŵinu, mu kukamba mazu gho po mwaja mu nyumba ndipo mutenda pa nthowa, po mugona pasi ndi po muyuka.

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

ŴaEfeso 6:4

Ndipo mwaŵauskeu, mungakaralizga ŵana ŵinu cha, kweni muŵalere mu kulanga ndi kuchichizga kwa Mbuya.

Marangu 29:29

“Vinthu vyaku ubende vya Ambuya Chiuta widu; kweni vinthu vyo vyavumbulika vidu ndi vya ŵana ŵidu muyaya, aling kuti tichitenge mazu ghose gha dangu ili.

Nthanthi 23:26

Wa mwana wangu, undipaske mtima wako, ndipo ughachite maso ghako ghateske nthowa zangu.

Chivumbuzi 3:3

Viyo kumbuka, cho ungusambizgika ndimo unguchivwiya; uchisunge; ndipo ng'anamuka. Asani ureka kucherezga, ndizenge nge ndi munkhungu, ndipo kuti ukaziŵanga cha ora lo ndiziyenge pako.

Nthanthi 1:8

Yivwa wa mwana wangu chisambizgu cha ausu; ndipo ungakananga kusambizga kwa anyoko;

Sumu 71:18

Sono po nde khongwe, nyivu zeku mutu, rekani kundijowo, A Chiuta. Muŵenge nane po ndimemeza nthazi zinu ndimazaza ghinu, mpaka ku migonezi yo yituza.

ŴaHebere 2:1

Chifukwa chenichi kutenere kwakuruska kuphwere vyo vinguvwika, vinu tingadeukako.

Nthanthi 3:21

Wa mwana wangu, usunge zeru yeneko ndi kughanaghana kwamampha; vingatayananga nawe cha kuviwona,

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Yoswa 4:21

Sono wangunena ndi ŵaYisraele, “Po ŵana ŵinu ŵazamufumba auskeu mukucha, ‘Mya iyi ying'anamuwanji?’

Nthanthi 7:1

Wa mwana wangu, sunganga mazu ghangu, ndi uŵike mbiku marangu ghangu mwako;

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

Yesaya 38:19

Wamoyo, wamoyo, ndiyo wawonga imwe uli ndimo ndichitiya ine msana wale; wiske waziŵiska ku ŵana uneneska winu.

Marangu 4:23

Mujichenjeremwaŵeni, vinu mungaruwa phanganu la Ambuya Chiuta winu lenilo wangupangana namwe, pakujichitiya chikozgu chakusemeka, pamwenga chikozgu cha kanthu kose keniko Ambuya Chiuta winu wamukanizgani.

Yakobe 2:22

Uwona kuti chivwanu chake chingutataliya pamoza ndi milimu yake, ndipo mu milimu yake chivwanu chake chingufiskika,

Marangu 31:19

Viyo sono ulembe sumu iyi, ndi usambizge ŵaYisraele, uyiŵike mu milomo yawo mwakuti sumu iyi yiŵe kaboni wangu ku ŵaYisraele.

Luka 8:18

Viyo lereni mo muvwiya; chifukwa yose yo wenako kupaskikenge kwaku iyo, ndipo yose yo walive, kwaku iyo kapokekenge keniko wajipimiya kuŵa nako.”

Yoswa 1:18

Yo yose wakagarukiyanga dangu lako ndi kureka kuvwiya mazu ghako, mwaku chose cho wamulanguliya, wabayike. Uŵi ŵaka wanthazi ndi wakukhwima.”

Marangu 4:15

“Pa chifukwa ichi muchenje ukongwa. Pakuti munguwona chikozgu cha, pa zuwa lenilo Chiuta wangukamba namwa mu Horebe kutuwa mukati mu moto,

Chituwa 10:2

Ndipo unene mwana wako munthurumi ndi mzuku wako munthurumi, ndi uli mo ndachitiya ndi ŵaEgipiti, ndi visimikizgu vyo ndaŵawoneska alinga kuti muziŵe kuti ndine Ambuya.”

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Marangu 4:10

Kweni sambizgani ŵana ŵinu ndi ŵana ŵawo, mo pa zuŵa liya mungumiya panthazi pa Ambuya Chiuta winu mu Horebe, penipo Ambuya anguti kwaku ine, ‘Undiwunjikiye ŵanthu pamoza, ndi ŵavwiske mazu ghangu, mwakuti ŵasambire kopa Ine mazuŵa ghose gha umoyo wawo pa charu chapasi, ndikuti ŵasambizge ŵana ŵawo.’

Marangu 6:2

Mope Ambuya Chiuta winu imwe ndi ŵana ŵinu, ndi ŵana ŵa ŵana ŵinu pakusunga mu mazuŵa ghose gha umoyo winu, visambizgu vyake ndi vyeruzgu vyake vyose vyo ndimulanguliyani, Viyo mazuŵa ghinu ghaŵenge ghanandi.

Marangu 6:12

chenjeni vinu mungachiruwa Chiuta, mweniyo wakumutuzgani mu charu cha Egipiti, munyumba ya uŵanda.

Marangu 6:20

“Mu nyengo yo yituza penipo mwana winu wakufumbeninge kuti, ‘Kumbi visimikizgu, visambizgu, ndi vyeruzgu vyo Ambuya Chiuta widu wakukulanguliyani ving'anamuwanji?’

Marangu 8:11

“Chenjeni vinu mungaruwa Ambuya Chiuta winu pakureka kusunga marangu ghake, vyeruzgu vyake, ndi visambizgu vyake vyenivyo ndimulanguliyani zuŵa lino.

Marangu 8:14

chenjeni vinu mtima winu wungatukumuka, ndi mungaruwa Ambuya Chiuta winu, yo wakumutuzgani mu charu cha Egipiti, mu nyumba ya uŵanda.

Marangu 12:1

“Ivi ndi visambizgu ndi vyeruzgu vyenivyo mutenere kuphwere kuvichita mu charu chenicho Ambuya, Chiuta wa auskemwe, wakumupaskani kuti chiŵe chinu, mazuŵa ghose gha umoyo winu panu pasi.

Marangu 16:3

Mungarghanga ndi chiŵande cha mtupu cha; mu mazuŵa ghankhonde ndi ghaŵi mukarghanga ndi chiŵande chambura mtupu, chiŵande chapa nyengo ya suzgu, chifukwa mungutuwa mu charu cha Egipiti mu ruŵi. Mwakuti mu mazuŵa ghose gha umoyo winu, mukumbuke zuŵa lo mungutuwiya mu charu cha Egipiti.

Marangu 17:19

Ndipo wakalisunganga ndi wakaŵerenganga mwaku lo mazuŵa ghose gha umoyo wake, alinga kuti wasambilenge kopa Ambuya Chiuta wake, pakusunga mazu ghose gha dangu ili ndi malangulu yagha, ndi kughachita.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.

Ŵeruzgi 8:34

Ndipo ŵaYisraele kuti ŵangukumbuka Ambuya Chiuta wawo cha, yo wanguŵapozomoska ku janja la ŵakupindikana ŵawo wose kosekose;

Yeremiya 17:21

Viyo atiti Ambuya: Chenjeni ndi maumoyo ghinu vinu mungafwa, mungapinganga katundu cha pa zuŵa la sabata, pamwenga kumuserezga pa malikomo gha Yerusalemu.

Yoswa 23:11

Jiphwereni imwe mwaŵeni, kwanja Ambuya Chiuta winu.

Yesaya 42:20

Wawona vinthu vinandi, kweni kuti wativiziŵa cha; makutu ghake ghakubanuka, kweni kuti watuvwa cha.