Marangu 4:7 - Tonga Bible 1986

⁷ Pakuti palivi mtundu ukuru wa ŵanthu wo ŵendi chiuta pafupi nawo, mo Ambuya Chiuta walili pafupi ndi ifwe penipo titumudaniya?

Marangu 4:7 Referans Kwoze

Sumu 145:18

Ambuya epafupi kwaku wose wo ŵatiŵadana, wo ŵatiŵadana mu uneneska.

Sumu 34:18

Ambuya ŵepafupi ku ŵakusweka mtima, ndi kuwombo mizimu yakutekenyeka.

Sumu 73:28

Kweni kwaku ine, awa, naku nkhuzirwa kuŵa pafupi ndi Chiuta: Mwa Ambuya Chiuta ndisaniya kuvikirika, alinga kuti nditaule nchitu zinu zose.

2 Samuele 7:23

Ndi mtundu nuwu unyake pa charu chapasi wo uyana ndi khamu linu Yisraele, ŵeniwo Chiuta wanguruta kwachiŵawombo kuti ŵaŵe wanthu ŵake, kujichitiya mweneko zinandi kuŵachitiya vinthu vikuru ndi vyakofya pa kudikiskiya kubwalo mutundu ndi ŵachiuta ŵake paurongo pa ŵanthu ŵake?

Yakobe 4:8

Ndereni kufupi kwaku Chiuta, ndipo wanderenge kufupi kwinu. Photoni manja, mwaŵalakwi; ndipo tozgani mitima, mwaŵamitimapaŵi.

Yesaya 55:6

“Penjani Ambuya penipo angusanirika, danani paku iwo penipo ŵeche pafupi;

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

Sumu 148:14

Asoske pachanya nthazi ya ŵanthu ŵawo, rumbani chifukwa cha ŵatuwa ŵawo, chifukwa cha ŵanthu ŵaku Yisraele, khamu lapa mtima wawo. Rumbani Ambuya!

Yesaya 43:4

Pakuti mwe ŵakuzirwa mu maso ghangu, ndi ŵatumbiku, ndipo nditumwanjani, ndipereka ŵanthu kuripila paku imwe, ŵanthu mu kugulizgana ndi umoyo winu.

Marangu 5:26

Pakuti ndiyani wa ŵamoyo wose yo wavwa mazu ghaku Chiuta wamoyo wakukamba mukati mu moto nge ndifwe, ndipo weche wamoyo?

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

Machitidu gha Ŵakutumika 17:27

kuti ŵamlembe Chiuta, vinu ŵangampapaska, ndi ŵangambowozga, chingana nkhuti we kutali cha kwaku yose waku ifwe.

Marangu 4:32

“Fumbani sono mazuŵa gho ghajumphapo gho ghengako imwe mwenga mundaŵeko, kwamba zuŵa lenilo Chiuta wangwatiya munthu mu charu chapasi, fumbani kutuwa kukwamba kwa machanya mpaka ku umari kwake, asani chikuŵa ku chinthu chikuru nge ichi.

Marangu 26:19

kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Sumu 34:17

Po ŵakurunjika ŵaliriya chovyo, Ambuya atuvwa, ndi kuŵataska mu visuzgu vyawo vyose.

Sumu 85:9

Nadi utaski wawo wepafupi ku ŵakumopa, kuti unkhankhu wawo uje mu charu chidu.

Sumu 147:20

Walivi kuchita ichi ku mitundu yinyake; kuti ŵaziŵa cha malangulu ghake. Rumbani Ambuya!

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”