Marangu 4:6 - Tonga Bible 1986

⁶ Mughasunge ndi kughachita, pakuti ivi ndi zeru zinu ndikuziŵiska kwinu panthazi pa mitundu. Po Yivwenge visambizgo vyose ivi, yamukuti, ‘Nadi ŵanthu ŵa mtundu ukuru uwu mbazeru ndi ŵakuwamo.’

Marangu 4:6 Referans Kwoze

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

1 ŴaKaronga 4:34

Ndipo ŵanthu ŵangutuwa kumakhamu ghose kuzachivwa zeru zaku Solomoni ŵangutuwa ku ŵakaronga wose ŵa charu chapasi, wo ŵanguvwa gha zeru zake.

Yakobe 3:13

Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru.

Yeremiya 8:9

Ŵanthu ŵazeru ŵakalengeskekanga, ŵakatenthemanga ndi kutoreka; ehe, ŵakana mazu gha Ambuya, na ndi zeru uli ze mwawo?

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

Malaki 3:12

Viyo mitundu yose yikatinge mwe ŵakutumbikika, chifukwa mukaŵanga mtundu wakukondweska, atiti Ambuya ŵa maŵanja.

Danyele 1:20

Mu makani ghose gha vinjeru ndi ghakukhumba kuwamo gho wanguŵafumba wanguŵasaniya kuti mbavinjeru kuruska ŵaukwi ndi ŵaziŵi nyenyezi wose wo ŵenga mu chigaŵa cha ufumu wake.

Nthanthi 14:8

Zeru ya munthu wakutakataka nkhuteska nthowa yake, kweni kupusa kwa ŵakupusa kupusika.

Danyele 4:9

“Iwe Belteshazara, wa mura wa ŵaukwi, chifukwa ndiziŵa kuti mzimu wa ŵachiuta ŵatuŵa we mwaku iwe, ndi kuti kulivi chamuchibisibisi cho nchinonono kwaku iwe, ili ndilo loto lo ndingulota, undinene kang'anamuridu kake.

Marangu 29:9

Chifukwa ichi phwereni kuchita mazu gha phanganu ili, alinga kuti musakati mwaku chose cho mukachitanga.

Marangu 32:46

wanguti kwaku wo, “Sungani mu mtima mazu ghose gho nditumulanguliyani msana wale, alinga kuti mughalanguliyenge ku ŵana ŵinu, kuti ŵaghaphwerenge, ndi kughachita mazu ghose gha dangu ili.

Marangu 32:47

Pakuti kuchita viyo kwaku imwe kuti ndi saza cha, kweni mbumoyo winu, ndipo viyo mukajanga ŵamoyo nyengo yitali mu charu cho muserengemo kuŵa chinu pa mwambuka Yordane.”

Ezekiele 5:5

“Viyo atiti Ambuya, Chiuta: Uyu ndi Yerusalemu; ndamujarika pakati pa mitundu, ndi vyaru vyakumuzunguliya.

Hoseya 8:12

Chingana ndingumurembe marangu vikwi chumi (10,000) ghatinge ghapimikenge nge nchinthu cha waka.

Sumu 19:8

virunguchizgu vya Ambuya vyakunyoroka, vyakukondweska mtima; langulu laku Chiuta ndakutowa, lingweruska.

Nthanthi 1:4

Alinga kuti ŵakuzimbwa ŵapaskike zeru zeru ndi maghanoghano ku ŵampupuka,

Nthanthi 1:5

munthu wa zeru nayo wavwe ndi wakuskiyeko masambiro, ndi munthu wakuwamo wapenje umisili,

Nthanthi 14:34

Urunji ukuzga khamu la ŵanthu, kweni uheni nchilengesku kuŵanthu ŵe wose.

Yesaya 42:21

Ambuya angukondwa, chifukwa cha urunji wawo, kutumbika dangu lawo ndi kulikankhuska.