Marangu 4:5 - Tonga Bible 1986

⁵ Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.

Marangu 4:5 Referans Kwoze

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

ŴaHebere 3:5

Ndipo Mosese nadi wenga wamagomekezgeka mu nyumba yake yose nge ngwakuteŵeta, kuti waŵe kaboni waku vyo vitakambikanga;

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

1 ŴaKorinte 15:3

Chifukwa mu vinthu vyakuzirwa vyakudanga ndingupereka kwaku imwe chenicho nacho ndinguronde, kuti Kristu wangufwa chifukwa cha vilakwa vidu, kwakulingana ndi malembo gho;

1 ŴaKorinte 11:28

Kweni wadange wajesa munthu ndi viyo warghepo chiŵande cho, ndi wamweko nkhombo yo.

Chituwa 18:20

ndipo ukaŵasambizganga malamulu ndi vyeruzgu, ndi kuŵaziŵiska nthowa yo ŵatenere kwendamo ndi vyo ŵatenere kuchita.

ŴaLevi 7:38

vyo Ambuya angulanguliya Mosese pa phiri la Sinai, pa zuŵa lo wangulanguliya ŵaYisraele kupereka mipasku yawo ku Ambuya, mu bozwa la Sinai.

ŴaLevi 26:46

Yagha ndi malangulu ndi vyeruzgu ndi marangu gho Ambuya angunena kwaku Mosese kuti iwo angupangana ndi ŵaYisraele pa phiri la Sinai.

ŴaLevi 27:34

Yagha ndi marangu gho Ambuya angulanguliya Mosese ku ŵaYisraele pa phiri la Sinai.

Marangu 4:2

Mungasazgiyangako ku mazu gho ndikukukambiyani, chingana nkhutuzgaku kanthu kwaku gho, kuti musunge marangu gha Ambuya Chiuta winu gho ndikuneniyani.

Marangu 4:4

kweni imwe mungungangamikiya pa Ambuya Chiuta winu, mweche ŵamoyo mose msana wale.

Sumu 71:17

A Chiuta, mwandisambizga kutuwa ku wana-mana wangu, ndipo mpaka sono ndeche kutaula nchitu zinu zakuziziswa.

ŴaLevi 19:19

“Musungenge malangulu ghangu. Mungazomerezganga ng'ombe zinu kwandana ndi ng'ombe za mitundu yinyake. Mungapandanga munda winu ndi za mitundu yiŵi cha; chingana nkhuti muvwarenge chakuvwara cha saru yakuŵa ndi mitundu yiŵi.

Marangu 4:40

Viyo mutenere kusunga vilayizgu vyake ndi marangu ghake vyenivyo ndimuranguliyani zuŵa lino kuti kumuŵiyeni kwamampha, imwe ndi ŵana ŵinu pavuli pinu, mwakuti mazuŵa ghinu ghaŵe ghanandi mu charu chenicho Ambuya Chiuta winu watukupaskiyani limu.”

Marangu 5:1

Mosese wangudana ŵaYisraele wose, wanguti kwaku iwo, “Vwani, Yisraele, visambizgu ndi vyeruzgu vyo ndikamba kwaku imwe zuŵa lino, mukavisambiranga ndi muŵe ŵakuphwere pakuvichita.

Marangu 6:1

“Sono ili ndilo dangu, visambizgu ndi vyeruzgu vyenivyo Ambuya Chiuta winu wangundilanguliya kumusambizgani, mwakuti mukavichite mu charu chenicho mutiyamu kwachironda.

Marangu 7:11

Viyo mutenere kuphwere kufiska marangu, visambizgu, ndi vyeruzgu vyenivyo ndikulanguliyani zuŵa ili.

Marangu 8:11

“Chenjeni vinu mungaruwa Ambuya Chiuta winu pakureka kusunga marangu ghake, vyeruzgu vyake, ndi visambizgu vyake vyenivyo ndimulanguliyani zuŵa lino.

Marangu 11:32

muphwere kuchita visambizgu vyose, ndi vyeruzgu vyose vyo ndiŵika pa nthazi pinu zuŵa lino.

Yeremiya 11:6

Ndipo Ambuya anguti, “Memeza mazu yagha ghose mu mizi yaku Yuda, ndi mu miseu ya Yerusalemu: Avwani mazu gha phanganu ili ndipo mughachitenge.

Ezekiele 20:11

Ndinguŵapaska virunguchizgu ndi kuŵarongo malangulu ghangu, ghenigho mukughavwiya munthu wakaŵanga ndi umoyo.