Marangu 4:30 - Tonga Bible 1986

³⁰ Penipo mwe mu suzgu chifukwa vinthu vyose ivi vyakuŵiyani mu mazuŵa ghakumariya, mung'anamukiyenge ku Ambuya Chiuta winu ndi kuvwiya mazu ghake.

Marangu 4:30 Referans Kwoze

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Yeremiya 23:20

Ukari wa Ambuya kuti ukawerenga cha, mpaka penipo wakachitanga ndi kufiska vyo maghanaghanu ghawo ghakhumba. Mu mazuŵa gha pavuli mukaŵangamo khwerukhweru.

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yesaya 1:19

Asani mwe ŵakunweka ndiŵakuvwiya, mukarghanga vyamampha vya charu cho.

Marangu 31:29

Pakuti ndiziŵa kuti pavuli pa nyifwa yangu, kwakuneneska mwazamuchita kwaunyakazi ndi kupatuka mu nthowa yo ndamulanguliyani, ndipo mu mazuŵa gho ghakazanga, chiheni chikamuŵiyaninga chifukwa mukachitanga cho nchiheni mu maso gha Ambuya, kuŵakaripiska ndi nchitu za manja ghinu.”

Chiyambo 49:1

Sono Yakobe wangudana ŵana ŵake ŵanthurumi, ndi wanguti, “Muwunjikike pamoza, alinga ndikuneniyeni vyenivyo vikakuwiyaninga mu mazuŵa gho ghatuza.

Maŵerengedu 24:20

Ndipo wangulereska ku Amaleke, wangukamba ntharika yake, wanguti, “Amaleke ndiyu wenga wakudanga wamitundu, kweni ku umali wakaphwanyikanga,”

ŴaHebere 1:2

mu mazuŵa yagha ghaumari wakambiyanafwe mu Mwana wake, mweniyo wanguŵika muhara waku vyose, mwaku mweniyo so wangwatiya migonezi.

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Zekariya 6:15

“Wo ŵe kutali ŵakazanga ndi kovya kuzenga nyumba ya Ambuya; ndipo mukaziŵanga kuti Ambuya ŵa maŵanja andituma kwaku imwe. Ndipo ichi chichitikenge nadi, asani mukavwiyanga ndi phamphu mazu gha Ambuya Chiuta winu.”

Danyele 10:14

ndipo ndaza kuno kuzachimuziŵiskani cho chiŵiyenge ŵanthu mu mazuŵa ghakumariya. Pakuti chiwona ncha mazuŵa gha kunthazi.”

Chitenje 3:40

Tiyeni tese ndi tiziwone nthowa zidu, ndipo tiwere ku Ambuya!

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Marangu 30:10

asani mukavwiyanga mazu gha Ambuya Chiuta winu, kusunga malangulu ghake ndi visambizgu vyo vikurembeka mu buku ili la marangu, asani muwere ku Ambuya Chiuta winu ndi mtima winu wose ndi mzimu winu wose.

Chituwa 18:8

Sono Mosese wangukonkhome msibweni wake vyose vyenivyo Ambuya anguchita kwaku Farao ndi ku ŵaEgipiti chifukwa chaku Yisraele, maunonono ghose gho ghanguŵawiya mu nthowa, ndimo Ambuya anguŵaposomoske.

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

Marangu 30:2

Penipo mukawerenga ku Ambuya Chiuta winu, imwe ndi ŵana ŵinu, ndi kusunga mazu ghake mwaku chose cho nditumulanguliyani msana wale, ndi mtima winu wose ndi mzimu winu wose;

Marangu 31:21

Ndipo penipo viheni vinandi ndi masuzgu vyaza paku wo, sumu iyi yikazanga paurongo pawo nge mbukaboni (pakuti yikaŵanga yambura kuruwika mu milomo ya mphapu zawo), pakuti ndiziŵa vifukwa vyenivyo ŵachita kwamba kale, ine ndenga ndindaŵatole mu charu cho ndingurapiya kuŵapaska.”

Sumu 18:6

Mu kufinyirizgika kwangu ndingudana ku Ambuya; kwaku Chiuta wangu ndinguliriya chovyo. Kutuliya ku nyumba yake yakupaturika wanguvwa mazu ghangu, ndipo nkhuta yangu yingufika mu makutu ghake.

Sumu 59:16

Kweni ine ndikoŵeriyenge nthazi zinu; ndikamburenge kukoŵere chifundu chinu ku mlenji. Chifukwa mwandiŵiya linga ndi chakudingang'amo mu, zuŵa la soka langu.

Sumu 107:6

Mu suzgu yawo ŵangubongole ku Ambuya, ndipo anguŵataska mu soka lawo.

Sumu 107:13

Mu suzgu yawo ŵangubongole ku Ambuya, ndipo anguŵataska mu soka lawo.

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’