Marangu 4:27 - Tonga Bible 1986

²⁷ Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Marangu 4:27 Referans Kwoze

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Ezekiele 32:26

“Mesheke ndi tubula nawo ŵe kwenikuwa, ndi mzinda wawo wose, miunda yawo yikuŵazingirizga, wose mbambura kuchinjika, ŵakufwa ndi lipanga; pakuti ŵangutenthemeska ŵanyawo mu charu cha ŵamoyo.

Ezekiele 12:15

Ndipo ŵakaziŵanga kuti ine ndine Ambuya, asani ndaŵambininiskiya mukati mu mitundu ndi kuŵaparghang'iya mu vyaru.

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Chiyambo 11:4

Sono ŵanguti, “Tiyeni tijizenge msumba; ndi sonjo pachanya, wafike ku mtambo, ndipo tijichitiye zina, vinu tingamwaranikiya pa charu chose.”

Chiyambo 34:30

Sono Yakobe wanguti kwaku Simeoni ndi Levi, “Mwatole suzgu paku ine pakundisanduska wakuŵembeka ku ŵakuja mu charu ichi ŵaKanani ndi ŵaPeresi; ine ndendi ŵamanavi, ndipo asani ŵawunganirana pamoza paku ine ndi kupong'ana nane ndikanangikanga, ine pamoza ndi nyumba zangu.”

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Marangu 32:26

Mphanyi ndingukamba kuti, “Ndikaparghang'iyanga kutali, ndikamaranga chikumbusku chawo mu ŵanthu.”

Sumu 44:11

Mwatipereka nge ndi mberere zakubayika, ndipo mwatimbininiskiya mukati mu mitundu,

Sumu 106:27

ndi kumbininiskiya mphapu yawo mu mitundu, alinga kuti ŵakafwiye mu vyaru vya chilendo.

Yesaya 17:6

Vyakuvuluwa vikasiyikanga mwenumuwa, ulaka ndi pa chimuti cha olive chasukuniskika vipasi viŵi pamwenga vitatu pasongo pa mphanda ya pachanya ukongwa, vinayi pamwenga vinkhonde pa mphanda za muti wa vipasi, atiti Ambuya Chiuta waku Yisraele.

Yeremiya 16:13

Chifukwa cho ndikakudikiskaninga mu charu ichi kuya ku charu chenicho nanga ndimwe nanga mba uskemwe mulivi kuchiziŵa; ndipo kwenikuwa mwamutataliya ŵachiuta ŵanyake msana ndi usiku pakuti kuti ndikamuchitiyaninga umampha cha.’

Ezekiele 20:23

Ndipo so ndinguŵarapiyamu bozwa kuti ndikaŵambininiskiyanga mu mitundu ndi kuŵaparghang'iya mu vyaru vinyake,

Ezekiele 22:15

Ndikumbininiskiyenge mukati mu mitundu ndi kukuparghang'iya mu vyaru, ndipo ndikamaranga ukazuzi mwaku iwe.

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.

Zekariya 7:14

“Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.

Sumu 44:12

mwaguliska ŵanthu ŵinu kwambura usambasi, ndipo kuti mwaŵaguliska ndi mtengo wapatali cha.

Ezekiele 11:16

Chifukwa cho unene kuti, ‘Viyo atiti Ambuya Chiuta: Nanga ndikuŵadikiskiya kutali mukati mu mitundu, nanga ndikuŵambiniska mukati mu vyaru, kweni ndipuuli kwaku iwo ndaŵa malo ghakupaturika kwa nyengo yimanavi mu vyaru mo ŵakuya.’

Hoseya 9:17

Chiuta wangu waŵatayenge, chifukwa ŵalivi kumuvwiya; ŵaŵenge ŵakuyinga mukati mu mitundu.