Marangu 4:26 - Tonga Bible 1986

²⁶ zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Marangu 4:26 Referans Kwoze

Marangu 32:1

“Tegherezgani gutu, mwa machanya mwe, ndipo ndikakambanga; charu chapasi chivwe mazu ghamu mlomo wangu.

Mika 6:2

Vwani, imwe mwamapiri, suskanu ya Ambuya, ndi imwe viŵanja vyakukho vya charu chapasi; pakuti Ambuya ŵe ndi suskanu ndi ŵanthu ŵawo, ndipo akamikananga ndi Yisraele.

Yeremiya 22:29

Owe wa charu, charu, charu, ivwa mazu gha Ambuya.

Yeremiya 2:12

Zizwani, mwa machanya mwe, paku ichi, mutentheme, ndi muliye, atiti Ambuya,

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Yoswa 23:16

asani mukarengeskanga phanganu la Ambuya Chiuta winu, lo wangukulanguliyani, kuruta ndi kuteŵete achiuta ŵanyake ndi kuŵajikamiya wo, penipo ndipo ukari wa Ambuya ukakolenga paku imwe, ndipo mukafwanga ruŵi mu charu chamampha ichi cho wakupaskani.”

ŴaLevi 18:28

muchenje vinu charu cho chingamuwukuwani, muchichikazuzga, uli ndimo chinguwukuliya mtundu wo wengamo kale.

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Ezekiele 36:4

chifukwa cho, mwa mapiri gha Yisraele, vwani mazu gha Ambuya Chiuta; Ambuya Chiuta atiti ku mapiri ndi mitunthu, vinkhwawu ndi madambo, ku phasulu la mapopa ndi misumba yakusiyika yo yasanduka chakuliwa ndi chakusekeska ku mitundu ya kujako yakuzingirizga;

Yeremiya 44:22

Ambuya kuti anguziŵa cha kukiyakiya, kukunthiyapo machitidu ghinu ghaheni, ndi maukazuzi gho munguchita; chifukwa cho charu chinu chaŵa mapopa ndi phasulu, ndi thembo, mwambura wakujamo, ndimo chiliri msana wale.

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Marangu 31:28

Ndiwunjikiyeni kunu ŵara wose ŵa makhamu ghinu ndi ŵamazaza ŵinu, alinga kuti ndikambe mazu yagha mu makutu ghawo, ndi kudana charu cha kuchanya ndi charu chapasi kuchita ukaboni paku iwo.

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Ezekiele 33:28

Ndipo ndikachitanga charu kuti chiŵe phasulu ndi mapopa; kujikuzga kwake kwa nthazi kukamaranga; ndipo mapiri mu Yisraele ghakaŵanga nadi phasulu mwakuti kuwulengevi yumoza wakuporotamo.

Mika 1:2

Vwani imwe mwa ŵanthu mose; tegherezga wa charu ndi vyose vyo vye mwenimo; rekani Ambuya Chiuta waŵenge kaboni wakususka imwe, Ambuya mu kasopi wawo wakupaturika.

Chiyambo 19:13

pakuti te pafupi kuparghang'a malo yagha, chifukwa nkhuta yapa ŵanthu ŵake yaŵa yikuru paurongo pa Ambuya, ndipo Ambuya atituma ifwe kuzachighaparghang'a.”

Marangu 7:4

Chifukwa ŵapatuskenge ŵana ŵinu kurondo ine kuti ŵateŵete ŵachiuta ŵanyake. Viyo ukari wa Ambuya ukakolenga kumikana namwe, ndi kumuparghang'ani.

Marangu 8:19

Ndipo asani muruwa Ambuya Chiuta, ndi kurondo ŵachiuta ŵanyake ndi kuŵateŵete ndi kuŵasopa, nditimuchenjezgani ukongwa zuŵa lino, kuti kwakuneneska mukaparghang'ikanga.

Marangu 8:20

Nge ndimo mitundu yo Ambuya ayiparghang'iya pa nthazi pinu, ndimo namwe muparghang'ikiyenge chifukwa chakureka kuvwiya mazu gha Ambuya Chiuta winu.

Marangu 11:17

kuti ukari wa Ambuya ukole kumikana namwe, ndi kujara machanya kuti vuwa yireke kung'a, sono charu chireke kupasa vipasi vyake, ndi kuti munganangika ruŵi mu charu chamampha cho Ambuya amupaskani.

Marangu 28:20

“Ambuya akatumanga paku imwe matembo, chimutimbaheka, ndi kandundu, mwaku vyose vyo muchita, mpaka penipo mwaparghang'ika ndi mwamara ruŵiruŵi; chifukwa cha machitidu ghinu ghaheni, pakuti mwandikana.

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Marangu 28:45

Matembo ghose yagha ghakaŵanga paku imwe, ghakamundondoloskaninga ndi kumusaniyani, mpaka penipo mose mwanangika, pakuti mungureka kuvwiya mazu gha Ambuya Chiuta winu, kusunga marangu ghake, ndi visambizgu vyake vyo wangumulanguliyani.

Marangu 28:61

Nthenda ye yose, ndi suzgu ye yose yeniyo yilivi kurembeka mu buku la dangu ili, Ambuya akatoliyanga paku imwe mpaka mwamarika.

Yoswa 24:20

Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”

1 ŴaKaronga 9:7

po ndipo ndikamudumuwangako Yisraele ku charu chenicho ndikuŵapaska; ndi nyumba yeniyo ndatoweske zina langu ndikayituzgangako ku maso ghangu; ndipo Yisraele wakaŵanga nthanthi ndi mphekuru mu makhamu ghose gha ŵanthu.

Yeremiya 16:13

Chifukwa cho ndikakudikiskaninga mu charu ichi kuya ku charu chenicho nanga ndimwe nanga mba uskemwe mulivi kuchiziŵa; ndipo kwenikuwa mwamutataliya ŵachiuta ŵanyake msana ndi usiku pakuti kuti ndikamuchitiyaninga umampha cha.’

Yeremiya 32:24

Ehe, vidya vya ŵakuzinga vyafika ku msumba kuti ŵauthereske; ndipo chifukwa cha lipanga ndi chilala ndi chideru, msumba waperekeka ku ŵaKaldiya ŵeniwo ŵarwana ndi msumba wo. Chenicho imwe mungukamba chafiskika, ndipo ehe, mutichiwona.’