Marangu 4:13 - Tonga Bible 1986

¹³ Ndipo anguvumuliya kwaku imwe phanganu lawo, lenilo angukuneniyani kuti mulichite, ndilo marangu chumi, ndigho angugharemba pa mya yiŵi ya vipapate.

Marangu 4:13 Referans Kwoze

Chituwa 34:28

Ndipo wenga wakuja pamoza ndi Ambuya mazuŵa machumi ghanayi (40) ndi mausiku machumi ghanayi (40), kuti wangurgha nanga ndi chiŵandi chingana nkhumwa maji cha. Ndipo wangulemba pa magome mazu gha phanganu, marangu gho chumi.

Chituwa 31:18

Ndipo angupaska kwaku Mosese, ŵati ŵamala kukamba nayo pa phiri la Sinai, magome ghaŵi gha mapanganu, magome gha mwa, gha kulembeka ndi munwi waku Chiuta.

Chituwa 24:12

Ambuya anguti kwaku Mosese, “Kwere kuno kwangu pa phiri ndipo ukarindizge penipa, ndipo ndikakupaskanga magome gha mwa ndi dangu ndi langulu vyo ndakurembe kuŵarunguchizga.”

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

ŴaHebere 9:4

chakuŵa ndi chisoperu cha golide chachema, ndi bokosi lo la chipanganu lakumatika kosekose ndi golide, mwaku lenilo mwenga msuku wa golide mwaku wo mwengamana, ndi ndodo yo yaku Aroni yo yatundanga, ndi viŵaraŵaja vyo vya chipanganu;

2 ŴaKorinte 3:7

Kweni asani uteŵeti wo wa nyifwa, wakusemeka ndi kulembeka mu mya, unguŵa ndi unkhankhu, viyo kuti ŵana ŵaku Yisraele ŵengavi kuziŵa kulereska pa chisku chaku Mosese chifukwa cha unkhankhu wa chisku chake, unkhankhu wo wenga wakuchujuka;

ŴaRoma 9:4

ŵeniwo mbaYisraele; kwaku ŵeniwo kwe ulezi wo, ndi unkhankhu wo, ndi marayizganu, ndi kapaskidu ka dangu, ndi uteŵeti waku Chiuta, ndi mapanganu;

Chituwa 34:1

Ambuya anguti kwaku Mosese, “Useme vipapati viŵi vya mya vyakuyana ndi vyakudanga viya; ndipo ndikalembangapo pa vipapati mazu gho ghenga pa vipapati viya unguswa.

Marangu 4:12

Viyo Ambuya angukamba namwe kuturiya mukati mu moto munguvwa kukamba kwa mazu, kweni kuti munguwona chikozgu cha, kweni mazu pe.

Marangu 4:14

Ndipo Ambuya angundinene nyengo yiya kumsambizgani visambizgu kuti muvichitenge mu charu cho mulowokiyamo kwachironda kuŵa chinu.

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.

1 ŴaKaronga 8:9

Mubokosi la phanganu mwengayi kanthu kweni magome ghaŵi gha mya gho wanguŵikamo Mosese pa Horebi, pa malo ghenigho Ambuya anguchita phanganu ndi khamu laku Yisraele, ŵanguti ŵatuwa mu charu cha Egipiti.

Sumu 119:4

Imwe mwatipaska marangu ghinu kuti tighavwiye ndi chivwanu.