Marangu 4:12 - Tonga Bible 1986

¹² Viyo Ambuya angukamba namwe kuturiya mukati mu moto munguvwa kukamba kwa mazu, kweni kuti munguwona chikozgu cha, kweni mazu pe.

Marangu 4:12 Referans Kwoze

Marangu 5:22

“Mazu yagha Chiuta wangukambiya ku ungano winu wose pa phiri, mukati mu moto, mu bingu, ndimu mdima ukuru, ndi mazu ghakuru, ndipo wengavi kusazgako ghanyake. Wangugharemba pa vipapati viŵi vya mya, wangupereka kwaku ine.

Marangu 5:4

Ambuya angukamba namwe pa maso mu phiri, mukati mu moto,

Marangu 4:15

“Pa chifukwa ichi muchenje ukongwa. Pakuti munguwona chikozgu cha, pa zuwa lenilo Chiuta wangukamba namwa mu Horebe kutuwa mukati mu moto,

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Marangu 4:36

Wangumuvwiskani mazu ghake kutuwa kuchanya mwakuti wamusambizgeni, ndipo pa charu chapasi wakukurongoni moto wake ukuru, ndipo munguvwa mazu ghake ghakuturiya mukati mu moto.

Marangu 4:33

Kwaŵavi kose ŵanthu wo ŵavwa mazu ghaku Chiuta wakukamba mukati mu moto, nge mdimo imwe mwavwiya, ndipo ŵeche ŵamoyo?

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

Mateyu 3:3

Chifukwa mweniyo ndiyo wanguneneka ndi Yesaya mchimi yo, kuti, “Liu la wakubongo mu bozwa, Rongosoni nthowa ya Ambuya, Nyoroskani miseu yake.”

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Yesaya 40:6

Mazu ghatiti, “Liya!” Ndipo ine ndinguti, “Ndiliyengenje?” Nyama yose mbuteka, ndipo kutowa kwake kose kwe uli ndi luŵa la mu munda.

Yesaya 40:3

Mazu ghakukambula: “Mubozwa longosoni nthowa ya Ambuya, Nyoroskani mu bozwa gurwi waku Chiuta widu.

Yesaya 30:21

Ndipo makutu ghinu ghakavwanga mazu kuvuli kwinu, kuti, “Nthowa ndi iyi, yendaninga mwaku yo,” penipo mupatukiya ku marghe ndi penipo mupatukiya ku maze.

Chituwa 20:22

Ndipo Ambuya anguti kwaku Mosese, “Ukakambe viyo ku ŵaYisraele: ‘Mwajiwone mwaŵeni kuti ndakamba namwe kutuliya kuchanya.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

ŴaHebere 12:19

ndi ku chizozu cha mbata, ndi ku liyowozi la mazu; lenilo ŵakulivwa ŵanguŵeyere kuti mazu ghangakuskikiyako so cha kwaku wo.

Chituwa 19:9

Ndipo Ambuya anguti kwaku Mosese, “Awona, Ine ndituza kwako mu mtambo wakututumuka, alinga kuti ŵanthu ŵajivwiye ndichikamba nawe, ndi alinga kuti ŵavwane nawe muyaya.” Viyo Mosese wangunene Ambuya mazu gha ŵanthu wo

Marangu 4:11

Mungundere pafupi ndi kuma musina mu phiri, ndipo phiri lingukole moto kufika pakati-kati pa mtambo, ndi mdima ndi mabingu ndi munkhorwe bi.

Marangu 4:13

Ndipo anguvumuliya kwaku imwe phanganu lawo, lenilo angukuneniyani kuti mulichite, ndilo marangu chumi, ndigho angugharemba pa mya yiŵi ya vipapate.

Marangu 9:10

Ambuya angupereka kwaku ine mya ya vipapate yiŵi yakurembeka ndi munwi waku Chiuta, ndipo paku yo pangurembeka mazu ghose gho Ambuya angukamba namwe pa phiri kutuwa mu moto mu zuŵa la ungano.

Marangu 10:4

Ambuya angulemba pa mya, marembu ghakuyana ndi ghakudanga, marangu chumi ghenigho Ambuya angulangula kwaku imwe mu phiri kutuwiya mukati mu moto, mu zuŵa la ungano, Ambuya angundipaska ghenigho.